पुणे (वृत्तसंस्था ) ;- पिंपरी चिंचवड परिसरात आज बुधवारी सकाळी एका घरात एलपीजी सिलिंडरचा स्फोट होऊन पाच जण गंभीर जखमी झाल्याची घटना उघडकीस आली असून जखमींना ससून रुग्णालयात दाखल करण्यात आले आहे.
याबाबत सूत्रांची माहिती अशी कि, एकजण नाश्ता बनवण्यासाठी स्वयंपाकघरात गेला तर कुटुंबातील इतर सदस्य झोपले होते. त्याने गॅस चालू करताच एलपीजी सिलेंडरचा स्फोट झाला.या घटनेत मनोज कुमार वय 19 ,धीरज कुमार वय 23 ,गोविंद राम वय 28,राम चेलाराम वय 40 , सत्येंदर राम वय 30 हे होरपळल्याने ते जखमी झाले. स्फोटात जखमी झालेल्यांना उपचारांसाठी वायसीएम रूग्णालयात दाखल करण्यात आले होते . मात्र, पुढील उपचारासाठी ससून रुग्णालयात हलविण्यात आले असल्याची माहिती सूत्रांनी दिली.
