जामनेर तालुक्यातील कुंभारी बुद्रुक येथील घटना
जामनेर (प्रतिनिधी) : रस्त्यात अचानक थांबलेल्या पिक-अप वाहनावर मागून येणारी भरधाव दुचाकी धडकली. यात दोन तरुण ठार झाले आहेत. ही घटना कुंभारी बुद्रुक ता. जामनेरनजीक शनिवारी रात्री ८ वाजेच्या सुमारास घडली. याप्रकरणी पोलीस स्टेशनला घटनेची नोंद घेण्याचे काम सुरू होते.
पीतांबर डिगंबर जोशी (वय २८) व बापू रवींद्र गोपाळ (वय २७, रा. कुंभारी बुद्रूक – ता. जामनेर) अशी मृत तरुणांची नावे आहेत. कुंभारी गावात परिवारासह ते राहत होते. यातील एक जण जागीच ठार झाला तर दुसऱ्याला उपचारासाठी जळगावकडे नेत असताना त्याचा मृत्यू झाला.
मृत तरूण हे दुचाकीने जात असताना शनिवारी दि. १७ ऑगस्ट रोजी रात्री ८ वाजेच्या सुमारास त्यांची दुचाकी पिकअप वाहनावर धडकली. ही धडक एवढी जोरात होती की, एकजण जागीच ठार झाला. तर दुसऱ्या तरुणाला जळगावला शासकीय वैद्यकीय महाविद्यालय व रुग्णालयात उपचारासाठी नेत असताना रस्त्यात त्याचा मृत्यू झाला आहे.
दरम्यान, अपघातातील पिक अप वाहनास पोलिसांनी ताब्यात घेतले आहे. करण्याची पोलीस स्टेशनला नोंद घेण्याचे काम सुरू होते. याबाबत अधिक तपास पोलिस करत आहेत.
