चोपडा तालुक्यातील घटना
जळगाव (प्रतिनिधी) : चार दिवसांपूर्वी दुचाकी घसरुन एक शेतकरी जखमी झाला होता. त्यांच्यावर जळगाव शहरातील खासगी हॉस्पिटलमध्ये अतिदक्षता विभागात उपचार सुरू होते. शुक्रवार, ९ रोजी सकाळी ११ वाजता त्यांचा उपचारादरम्यान मृत्यू झाला. याप्रमाणे पोलीस स्टेशनला अकस्मात मृत्यूची नोंद करण्यात आली आहे.
गजेंद्रसिंग गोरसिंग पाटील (वय ५८, रा. विरवाडे ता. चोपडा) असे मृताचे नाव आहे. चोपडा तालुक्यात रस्त्याने जात असताना दुचाकी घसरल्याने गजेंद्रसिंग पाटील यांच्या डोक्याला मार लागला. त्यानंतर त्यांना चोपडा येथे उपचारासाठी दाखल केले.(केसीएन)तेथून पुढील उपचारासाठी जळगाव येथे एका खासगी हॉस्पिटलमध्ये त्यांच्यावर उपचार सुरू होते. शुक्रवारी त्यांचा उपचार सुरू असताना मृत्यू झाला.
पुढील कार्यवाहीसाठी शासकीय वैद्यकीय महाविद्यालयात त्यांचा मृतदेह दाखल करण्यात आला होता. एवढी नातेवाईकांनी गर्दी केली होती. जिल्हापेठ पोलीस ठाण्याचे कर्मचाऱ्यांनी पंचनामा केला. या प्रकरणी पोलीस ठाण्यात अकस्मात मृत्यूची नोंद करण्यात आली.
