जळगाव शहरातील पिंप्राळ्यातील घटना
जळगाव (प्रतिनिधी) : शहरातील पिंप्राळा भागात असलेल्या एसएमआयटी महाविद्यालयातील स्टोअर रूममधून ईलेक्ट्रीक मोटार, पाईप, मशीनरी मोटार, लोखंडी खिडकी यासह लोखंडी वस्तू असा एकुण ५२ हजार ९०० रूपये किंमतीचे साहित्य अज्ञात चोरट्यांनी चोरून नेल्याची घटना बुधवारी दि. ७ ऑगस्ट रोजी सकाळी १० वाजता समोर आली आहे. याप्रकरणी सायंकाळी ७.३० वाजता जळगाव शहर पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे.
एसएमआयटी महाविद्यालय येथे असलेल्या स्टोअर रूममध्ये ईलेक्ट्रीक मोटार, पाईप, मशीनरी मोटार, लोखंडी खिडकी यासह इतर लोखंडी साहित्य ठेवण्यात आले होते. दि. ४ ऑगस्ट ते ८ ऑगस्टच्या दरम्यान स्टोअर रूम बंद असतांना अज्ञात चोरट्यांनी ईलेक्ट्रीक मोटार, पाईप, मशीनरी मोटार, लोखंडी खिडकीसह इतर साहित्य असा एकुण ५२ हजार ९०० रूपये किंमतीचे साहित्य चोरून नेल्याची घटना समोर आली आहे. याप्रकरणी गुरूवार दि. ८ ऑगस्ट रोजी सायंकाळी साडेसात वाजता जळगाव शहर पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे.
