नशिराबाद पोलीस स्टेशनची कारवाई
जळगाव (प्रतिनिधी) : येथून जवळच असलेल्या नशिराबाद जळगाव मार्गावर तरसोद फाटा नजिक असलेल्या सरस्वती फोर्ड कार शोरुम आवारात लोखंडी सामान चोरीला गेला होता. याबाबत नशिराबाद पोलीस स्टेशनने तपास करून दोन संशयित आरोपींना ताब्यात घेतले आहे.
दाखल गुन्ह्यातील फिर्यादी दिलीप एकनाथ बेंडाळे (रा. अयोध्या नगर, जळगाव) यांचे सरस्वती फोर्ड येथे नवीन शोरुम चे काम सुरू आहे. सदर ठिकाणाहून फिर्यादी यांचा ४२ हजार रुपये किंमतीचा लोखंडी गर्डर, आसारी व इतर लोखंडी सामान असा चोरी झाला होता. (केसीएन)त्यामुळे नशिराबाद पोलीस स्टेशनचे एपीआय आसाराम मनोरे यांच्या पथकातील अंमलदार पोहेकॉ युनूस शेख, शिवदास चौधरी, गिरीश शिंदे, भरत बावीस्कर, पंकज सोनवणे, सागर बिडे, समीर सय्यद यांनी गुप्त बातमीच्या आधारे संशयित आरोपी सलीम शेख कय्युम व मोहसीन बेग हसन बेग (रा. तांबापुरा, जळगाव) यांना ताब्यात घेतले.
त्यांनी गुन्ह्याची कबुली देऊन मुद्देमाल काढून दिला आहे. सदर कारवाई जिल्हा पोलीस अधीक्षक डॉ. महेश्वर रेड्डी, अप्पर पोलीस अधीक्षक अशोक नखाते व भुसावळ उपविभागीय पोलीस अधिकारी कृष्णात पिंगळे यांच्या मार्गदर्शनाखाली करण्यात आली असून पुढील तपास पोहेकॉ गिरीश शिंदे करीत आहेत.