जळगाव शहरातील मध्यवर्ती भागातील दुपारची घटना
जळगाव (प्रतिनिधी) : शहरातील गोविंदा रिक्षा स्टॉपकडून टावर चौकाकडे जाणाऱ्या रस्त्यावर सार्वजनिक जागी एका विद्यार्थिनीचा दि. ४ जुलै रोजी दुपारी अडीच वाजेच्या सुमारास अज्ञात दोन चोरट्यांनी हातातील मोबाईल हिसकावून पळ काढण्याची घटना उघडकीस आली आहे. याप्रकरणी जळगाव शहर पोलीस स्टेशनला गुन्हा दाखल करण्यात आला आहे.
साक्षी नारायण गुरचळ (वय १७, रा. आव्हाना ता. जळगाव) हिने फिर्याद दिली आहे. ती दि. ४ जुलै रोजी दुपारी अडीच वाजता सुमारास गोविंदाचे टावर चौकाकडे जाणाऱ्या सिटी सेंटर मॉलच्या दिशेने जात असताना सार्वजनिक जागी अज्ञात दोन भामट्यांनी तिच्या हातातील ५ हजार रुपये किमतीचा मोबाईल हिसकावून पळ काढला. यानंतर विद्यार्थिनीने शुक्रवारी दि. १२ जुलै रोजी रात्री शहर पोलीस स्टेशन येथे धाव घेऊन तक्रार दिली. त्यानुसार गुन्हा दाखल करण्यात आला आहे. तपास हेडकॉन्स्टेबल भास्कर ठाकरे करीत आहेत.
