प्रभारी तुरुंग महानिरीक्षक डॉ. सुपेकर यांची पत्रकारांना माहिती
जळगाव (प्रतिनिधी) : येथील जिल्हा कारागृहामध्ये एका बंदीचा खून झाल्याप्रकरणी संशयित आरोपीला अटक करण्यात आली आहे. दरम्यान या प्रकरणी प्रभारी तुरुंग महानिरीक्षक डॉ. जालिंदर सुपेकर यांनी एका कारागृह रक्षकाला संध्याकाळी निलंबित करण्यात आली आहे.
गेल्या दोन दिवसांपासून छत्रपती संभाजीनगर येथील पथक देखील चौकशीसाठी आहे. डॉ. सुपेकर यांनी संबंधित कर्मचाऱ्यांची चौकशी सुरू केली आहे. कारागृहामध्ये बुधवार दि. १० जुलै रोजी सकाळी मोहसीन असगर खान (वय २५ रा. भुसावळ) याचा धारदार शास्त्राने कारागृहातील बॅरेक क्रमांक ४ येथे संशयित आरोपी शेखर मोघे यांनी धारदार शस्त्राने खून केला होता.(केसीएन)या प्रकरणी वरिष्ठ तुरुंग अधिकारी गजानन पाटील यांनी दिलेल्या फिर्यादीवरून गुन्हा दाखल झाला आहे.
तर शेखर मोघे याला अटक करण्यात आली आहे. दरम्यान गुरुवारी दि. ११ जुलै रोजी प्रभारी तुरुंग महानिरीक्षक डॉ. जालिंदर सुपेकर यांनी संध्याकाळी भेट दिली. यानंतर पत्रकारांशी बोलताना ते म्हणाले की, आज गुरुवारी कारागृहाची पाहणी केली.(केसीएन)खून झाला ते घटनास्थळ पाहिले. सोबतचे बंदी व कारागृह अधिकारी, कर्मचारी यांची चौकशी केली. कारागृहाचे रेकॉर्ड तपासले.
त्यानंतर प्राथमिकदृष्ट्या निष्काळजीपणा आढळल्याने कारागृह रक्षक गणेश पाटील यांना निलंबित करण्यात आल्याचे डॉ. सुपेकर यांनी पत्रकारांना सांगितले. कारागृह अधीक्षक अनिल वांढेकर, वरिष्ठ तुरुंग अधिकारी गजानन पाटील, पीएसआय देवरे यांच्यासह सर्व कर्मचारी देखील यावेळी उपस्थित होते.
