जळगावच्या लाचलुचपत प्रतिबंधक विभागाची कारवाई
जळगाव (प्रतिनिधी) : वाळू वाहतुकीसाठी तक्रारदारास १० हजार रुपयाची लाचेची मागणी करणाऱ्या चोपडा तालुक्यातील विटनेर येथील तलाठ्याला ५ हजार रुपये लाच घेताना जळगाव येथील लाचलुचपत विभाग प्रतिबंधक विभागाने मंगळवार दि.२८ रोजी रंगेहाथ अटक केली. त्याच्यावर चोपडा ग्रामीण पोलीस स्टेशन येथे गुन्हा दाखल करण्यात आला आहे.
रविंद्र काशिनाथ पाटील (वय ५०) असे अटक करण्यात आलेल्या लाचखोर तलाठ्याचे नाव आहे. तक्रारदार यांचे सासऱ्याचे नावाने पंतप्रधान आवास योजना अंतर्गत घरकूल मंजुर झालेले होते. घरकूल बांधण्यासाठी रेतीची आवश्यकता होती. विटनेर येथील तलाठी आर.के.पाटील यांनी तक्रारदार यांचेकडेस वाळू ट्रक्टरचे वाहतूकीसाठी १० हजार रुपये लाचेची मागणी केली. तक्रारदार यांनी याबाबत लाचलुचपत प्रतिबंधक विभाग येथे दि.२७ मे २०२४ रोजी तक्रार दिली.
सदर तक्रारदार यांनी दिलेल्या तक्रारीप्रमाणे पंचासमक्ष मंगळवार दि.२८ रोजी पडताळणी केली असता तलाठी आर.के.पाटील यांनी पंचासमक्ष ५ हजार रुपयाची लाचेची मागणी केली आणि तक्रारदारकडून ५ हजार रुपयाची लाच घेताना त्यांना रंगेहात पकडण्यात आले. त्यांचेवर चोपडा ग्रामीण पोलीस स्टेशन येथे गुन्हा दाखल करण्यात येत आहे. सापळा पर्यवेक्षक अधिकारी पोलिस उप अधीक्षक सुहास देशमुख, तपास अधिकारी पोलीस निरीक्षक अमोल वालझाडे, पो.नि.एन.एन.जाधव,स.फौ. दिनेशसिंग पाटील,पो.हे.कॉ. सुरेश पाटील,पो.हे.कॉ.रविंद्र घुगे,म.पो.हे.कॉ.शैला धनगर, पो.ना.बाळू मराठे,पो.कॉ.प्रणेश ठाकूर, पोना.किशोर महाजन,पो.ना. सुनिल वानखेडे,पो.कॉ.प्रदीप पोळ,पो.कॉ.राकेश दुसाने, पो.कॉ.अमोल सुर्यवंशी,पो.कॉ. सचिन चाटे यांनी कारवाई केली.
