दोघांवर गुन्हा, एकास अटक
जळगाव (प्रतिनिधी) : रावेर तालुक्यातील सहस्त्रलिंग गावाच्या हद्दीत असलेल्या शेतात गांज्याच्या झाडाची लागवड करुन त्याची जोपासना करणाऱ्या २ व्यक्तींना पोलिसांनी अटक केली आहे. त्यांच्याकडून ९१ किलोची झाडे जप्त करण्यात आली आहे.
रावेरचे पोलीस निरीक्षक पोलीस निरीक्षक डॉ. विशाल जयस्वाल, सपोनि आशिष अडसुळ, पोउपनि सचिन नवले, पोहेकॉ ईश्वर चव्हाण, जगदीश पाटील, कल्पेश आमोदकर, मुकेश मेढे, महेश मंगलदास मोगरे, विकारोद्दीन शेख, प्रमोद सुभाष पाटील, समाधान ठाकुर, सचिन घुगे, सुकेश तडवी, संभाजी बिजागरे व तालुका कृषी अधिकारी भाऊसाहेब वाळके अशा संयुक्त पथकाने जाऊन सहस्त्रलिंग येथे कारवाई केली आहे. संशयित आरोपी अक्रम कासम तडवी, शाहरुख कासम तडवी (दोन्ही रा. सहस्त्रलींग ता. रावेर) यांच्या मालकिच्या शेतात गांज्याची लागवड मिळुन आली. सदर कारवाईमध्ये गांज्यासदृष्य एकुण ९१ किलो ४०० ग्रॅम वजनाची झाडे जप्त केले आहे. गांज्याची एकुण किंमत ६ लाख २१ हजार ५२० रुपये किमतीचा मुद्देमाल मिळुन आला आहे.
पोना जगदीश लिलाधर पाटील यांच्या फिर्यादीवरुन रावेर पोलीस स्टेशनला गुन्हा दाखल करण्यात आला आहे. संशयित आरोपी शाहरुख कासम तडवी यास अटक करण्यात आली आहे. सदर गुन्हयाचा तपास पोलीस उप निरिक्षक सचिन नवले हे करीत आहेत. सदर कारवाई पोलीस अधिक्षक डॉ. महेश्वर रेड्डी, अप्पर एसपी अशोक नखाते, सहायक पोलीस अधीक्षक अन्नपुर्णा सिंह यांच्या मार्गदर्शनाखाली रावेरचे पोलीस निरीक्षक डॉ. विशाल जयस्वाल, सपोनि आशिष अडसुळ, पोउपनिरीक्षक सचिन नवले, ईश्वर चव्हाण, जगदीश पाटील ,कल्पेश आमोदकर, मुकेश मेढे, सचिन घुगे, विशाल पाटील, प्रमोद पाटील, महेश मोगरे, समाधान ठाकुर, संभाजी बिजागरे यांच्या पथकाने कारवाई केली आहे.
