पारोळा तालुक्यातील घटना
पारोळा (प्रतिनिधी) :- तालुक्यातील वाघरे येथे एका २२ वर्षीय तरुण शेतकऱ्याने राहत्या घरात दोरीच्या सहाय्याने गळफास घेऊन आत्महत्या केल्याची घटना दि.२३ रोजी घडली. तो पारोळा येथील एका खासगी रुग्णालयात रक्त लघवी तपासण्याचे काम करीत होता. याप्रकरणी पारोळा पोलीस ठाण्यात अकस्मात मृत्यूची नोंद करण्यात आली आहे.
नितिन आधार पाटील (वय २२, रा. वाघरे ता. पारोळा) असे या तरूणाचे नाव आहे. यशवंत बुधा पाटील यांनी पारोळा पोलिसात खबर दिली आहे. दि. २३ रोजी रात्री ९.३० वाजेच्या सुमारास वंदनाबाई पाटील ह्या आरडाओरडा करत माझ्या घरी धावत आल्या व त्यांनी मला कळविले की भाचा नितीन आधार पाटील याने राहत्या घरात दोरीस गळफास घेतलेला आहे. यावेळी शेजाऱ्यांनी उपचारासाठी खाजगी वाहनाने पारोळा कुटीर रुग्णालयात दाखल केले. दरम्यान डॉक्टरांनी तपासणी करून त्याला मयत घोषित केले. याप्रकरणी दि. २३ रोजी पारोळा पोलीस ठाण्यात अकस्मात मृत्यूची नोंद करण्यात आली असुन पुढील तपास पारोळा पोलीस करीत आहेत.
