जळगाव तालुक्यातील असोदा शिवारातील घटना
जळगाव (प्रतिनिधी) :- तालुक्यातील असोदा येथे एका शेतमजूर तरुणाने झाडाला गळफास लावून घेत आत्महत्या केल्याची घटना गुरुवारी २२ फेब्रुवारी दुपारी उघड झाली आहे. याप्रकरणी जळगाव तालुका पोलीस स्टेशनला अकस्मात मृत्यूची नोंद करण्यात आली आहे.
राकेश नाकू बारेला (वय २२, रा. उमरिया जि. खरगोन, मध्यप्रदेश) असे मयत तरुणाचे नाव आहे. तो असोदा येथे शेतमजूर म्हणून काही वर्षांपासून कामाला होता. त्याचा परिवार गावाला राहतो. त्याच्या पश्चात आई, वडील, ३ भाऊ असा परिवार आहे. गुरुवारी ती २ फेब्रुवारी रोजी दुपारी त्याचा मृतदेह असोदा गावाच्या बाहेरील शेतशिवारात एका झाडाला लटकलेला ग्रामस्थांना दिसला. त्यांनी जळगाव तालुका पोलिसांना माहिती दिली.
पोलिसांनी घटनास्थळी येत मृतदेह ताब्यात घेत शासकीय वैद्यकीय महाविद्यालय व रुग्णालय, जळगाव येथे हलविला. नातेवाईकांना माहिती देण्यात आली. रुग्णालयात कुटुंबीयांनी एकच आक्रोश केला. याप्रकरणी तालुका पोलीस स्टेशनला अकस्मात मृत्यूची नोंद करण्यात आली आहे.
