पोलीस अधीक्षक एम. राजकुमार यांचे आदेश
जळगाव (प्रतिनिधी) :- जिल्हा पोलिस दलातील सात पोलिस निरीक्षकांसह सात सहाय्यक निरीक्षक व एका पोलिस उपनिरीक्षकांची जळगाव पोलिस अधीक्षक एम.राजकुमार यांनी गुरुवार, २५ जानेवारी रोजी बदल्या केली आहे. लोकसभा निवडणुकीच्या अनुषंगाने या बदल्या करण्यात आल्या आहेत. एमआयडीसी पोलिस ठाण्याच्या पोलिस निरीक्षकपदी भुसावळ बाजारपेठचे बबन आव्हाड यांची नियुक्ती करण्यात आली आहे तर रामानंदनगर पोलीस स्टेशनच्या निरीक्षकपदी संदीप रणदिवे यांची नियुक्ती करण्यात आली आहे.
जिल्ह्यात नव्यानेच अहमदनगर येथून दाखल झालेले मधुकर साळवे यांची चोपडा शहर, नाशिक ग्रामीण येथून दाखल झालेले विकास देवरे यांची अमळनेर, नाशिक ग्रामीण येथून दाखल झालेले सुनील पाटील यांची भडगाव, नाशिक ग्रामीण येथून दाखल झालेले संदीप रणदिवे रामानंदनगर पोलीस स्टेशनला येणार आहे.
