अमळनेर बसस्थानकातील प्रकार
अमळनेर (प्रतिनिधी) :- अमळनेर बस स्थानकावर १७ रोजी चोरट्यांनी धुमाकूळ घातला. एका महिलेची पोत चोरून तिलाच मारहाण संशयित दोघा महिलांना पोलीस स्टेशनला चल, सांगणाऱ्या महिला कॉन्स्टेबलच्या देखील कानशिलात मारल्याने दोघांना अटक करण्यात आली आहे. अमळनेर पोलीस स्टेशनला गुन्हा दाखल करण्यात आला आहे.
अमळनेर बसस्थानकावर दि. १७ रविवार रोजी दुपारी साडे बारा वाजेच्या सुमारास चोपडा बसमध्ये सारबेटे येथील प्रतिभा राजेंद्र कोळी या बसत असताना त्यांची सोन्याची पोत बळजबरीने दोन महिलांनी चोरण्याचा प्रयत्न केला. त्यानंतर तिलाच मारहाण सुरू केली. बसस्थानक ड्युटीवरील अशोक कुमावत आणि महिला कॉन्स्टेबल नम्रता जरे यांनी महिलांना खाली उतरवून पोलीस स्टेशनला येण्यास सांगितले.
त्यावेळी संशयित सुनीता सागर चौधरी (वय ३९ रा वाघाडी पंचवटी नाशिक) व ममता सतीश चौधरी (वय २५ रा. इच्छादेवी पोलीस चौकी मागे जळगाव) या दोघांनी महिला कॉन्स्टेबल नम्रता जरे याना कानशिलात मारली आणि शिवीगाळ करून, मीडिया बोलवून तुझी नोकरी खाऊन जाईल म्हणून धमकी दिली. जरे यांनी ताबडतोब पोलीस गाडी बोलावून दोंघा महिलांना अटक केली. दोघांविरुद्ध शासकीय कामात अडथळा आणि जबरी चोरीचा प्रयत्न केल्याचा गुन्हा दाखल करण्यात आला आहे. तपास पोलीस उपनिरीक्षक अक्षदा इंगळे करीत आहेत. दोन्ही महिलांना अटक करण्यात आली आहे.
