सात जणांविरुद्ध एमआयडीसी पोलीस स्टेशनला गुन्हा दाखल
जळगाव ( प्रतिनिधी ) – खेडी येथील रहिवासी असलेल्या पंचवीस वर्षीय विवाहितेचा लग्नात हुंडा कमी दिला मानपान दिला नाही तसेच घर बांधण्यासाठी दहा लाख रुपये आणले नाही म्हणून फारकत दे या कारणासाठी पतीसह सासरच्या मंडळींनी विवाहितेचा शारीरिक व मानसिक छळ केल्या प्रकरणी एमआयडीसी पोलीस स्टेशनला गुन्हा दाखल करण्यात आला आहे.
याबाबत सूत्रांनी दिलेली माहिती अशी की मनीषा नितीन राठोड ( वय – 25) यांचे खेडी बुद्रुक येथे माहेर असून त्यांचा विवाह नितीन बळीराम राठोड यांच्याशी रीती रिवाजानुसार झालेला होता. मात्र लग्नात विवाहितेच्या वडिलांनी हुंडा कमी व मानपान कमी दिल्यामुळे घर बांधण्यासाठी दहा लाख रुपये बाहेरून आणावे या मागणीसाठी 18 मे ते 26 नोव्हेंबर 2022 पर्यंत विवाहितेचा शारीरिक व मानसिक छळ केल्याप्रकरणी पती नितीन राठोड सासू प्रमिलाबाई राठोड दोन्ही राहणार हिंगणा फाटा बेलोदे लेआउट अकोला, सचिन बळीराम राठोड राहणार अमरावती, सौ.बबली सुभाष चव्हाण ननंद, नांदोई सुभाष चव्हाण , दोन्ही राहणार मुंबई वसंता जाधव मावळ सासरे राहणार खामगाव आणि दामोदर काशिनाथ राठोड चुलत सासरे राहणार पातुर अकोला या सात जणांनी घर बांधण्यासाठी दहा लाख रुपये आणले नाही म्हणून फारकत देण्याच्या कारणासाठी विवाहितेचा वेळोवेळी शारीरिक व मानसिक छळ करून गांज पाठ केला म्हणून एमआयडीसी पोलीस स्टेशनला पावणे पाच वाजेच्या सुमारास गुन्हा दाखल करण्यात आला असून तपास पोना अतुल पाटील करीत आहे.
