जामनेर (प्रतिनिधी) – अज्ञात चोरट्याने घरात प्रवेश करून पाच हजार रुपये किमतीचा मोबाईल आणि 13 हजार रुपये ची रोकड चोरून नेल्याचा प्रकार तालुक्यातील वाघारी येथे 26 जुलै रोजी रात्री आठ वाजेच्या सुमारास घडला याप्रकरणी अज्ञात चोरट्यांविरुद्ध जामनेर पोलीस स्टेशनला गुन्हा दाखल करण्यात आला आहे.
याबाबत सूत्रांनी दिलेली माहिती अशी की व्यवसायाने वाहन चालक असलेले दीपक जीवन गुटके ( वय – 27 ) यांच्या घरातून अज्ञात चोरट्याने पाच हजार रुपये किमतीचा सॅमसंग कंपनीचा मोबाईल व सिम कार्ड तसेच 13,800 रुपयांची रोकड चोरून नेत्याचा प्रकार 26 जुलै रोजी रात्री आठ वाजेच्या सुमारास उघडकीस आल्याने दीपक घुटके यांनी दिलेल्या फिर्यादीवरून पोलीस स्टेशनला अज्ञात चोरट्याविरुद्ध गुन्हा दाखल करण्यात आला आहे. तपास पोलीस हेडकॉन्स्टेबल राजीव सोनवणे करीत आहे.
