जामनेर (प्रतिनिधी) – तालुक्यातील शेंदुर्णी गावाजवळ पोलीस असल्याची बतावणी करून अज्ञात दोन जणांनी वृध्द शेतकऱ्याजवळील जबरी १ लाख रुपये घेऊन फसवणूक केल्याची घटना घडली आहे. याप्रकरणी पहूर पोलीस ठाण्यात अज्ञात दोन जणांविरोधात गुन्हा दाखल करण्यात आला आहे.
गोंदेगाव येथे कौतिक विठ्ठल ठाकरे (वय-७२) हे वयोवृद्ध आपल्या परिवारासह शेतीचे काम करून उदरनिर्वाह करतात. शनिवार २६ मे रोजी सायंकाळी ५ वाजेच्या सुमारास शेतीचे पीक कर्जाचे १ लाख रुपये पिशवीत ठेवून घरी जात होते. त्यावेळी अज्ञात दोन जणांनी त्यांचा रस्ता अडवून आपण पोलीस असल्याची बतावणी केली. त्यानंतर कौतिक ठाकरे यांच्याजवळील पिशवीतील एक लाख रुपयांची रोकड घेऊन घेऊन पसार झाले. दरम्यान ही घटना घडल्यानंतर वयोवृद्ध शेतकरी यांनी पहूर पोलीस ठाण्यात धाव घेऊन तक्रार दिली. त्यानुसार शनिवारी २७ मे रोजी रात्री ११ वाजता विरोधात गुन्हा दाखल करण्यात आला आहे. पुढील तपास पोलीस हेडकॉन्स्टेबल प्रशांत विरणारे करीत आहे.
