मुंबई (प्रतिनिधी) – राज्यात विविध आयएएस अधिकाऱ्यांच्या बदल्या करण्यात आल्या आहेत. यामध्ये महसूल व वन विभागाचे अप्पर मुख्य सचिव डॉ. नितीन करीर यांची वित्त विभागात बदली झाली आहे. नागरी उड्डायन आणि राज्य उत्पादन शुल्क विभागाचे अप्पर मुख्य सचिव मिलिंद म्हैसकर यांच्याकडे सार्वजनिक आरोग्य विभागाची जबाबदारी देण्यात आली आहे. तुकाराम मुंढे यांची कृषिमंत्री अब्दुल सत्तार यांच्या कृषी खात्याचे सचिव म्हणून नियुक्ती करण्यात आली आहे.
महापारेषण विभागाचे मुख्य व्यवस्थापकीय संचालक डी. टी. वाघमारे यांच्याकडे गृह खात्याचा कार्यभार सोपविण्यात आला आहे. आयएएस अधिकारी श्रीमती राधिका रस्तोगी यांची अल्पसंख्यांक विभागात बदली करण्यात आली आहे. मुंबई महापालिकेतील अतिरिक्त आयुक्त डॉ. संजीवकुमार यांची महापारेषणच्या मुख्य व्यवस्थापकीय संचालकपदी नेमणूक करण्यात आली आहे. श्रावण हर्डीकर यांची मुंबई मनपाच्या अतिरिक्त आयुक्तपदी नियुक्ती करण्यात आली आहे.
तुकाराम मुंढे यांची कृषिमंत्री अब्दुल सत्तार यांच्या खात्याचे सचिव म्हणून नियुक्ती करण्यात आली आहे. छत्रपती संभाजीनगर मनपा आयुक्तपदी जी. श्रीकांत यांची नेमणूक करण्यात आली आहे. डॉ. अभिजीत चौधरी यांची छत्रपती संभाजीनगर राज्य कर विभागाच्या सहसचिवपदी नियुक्ती करण्यात आली आहे. वस्त्रोद्योग विभागाचे नागपूर येथील संचालक पी. शिवशंकर यांची बदली शिर्डी साई संस्थानच्या मुख्य कार्यकारी अधिकारी पदावर करण्यात आली आहे.
