मुंबई (प्रतिनिधी) – हिंदुत्व म्हणजे धोतर नाही सोडायला. एकत्रित लढण्याची इच्छा हवी. अन्यथा देशात हुकुमशाही चालेल. फूटीचा शापाची पुनरावृत्ती पुन्हा होऊ नये. मी नसलो तरी चालेल पण या देशातील लोकशाही जगली पाहीजे. क्रांतिकारकांनी जे बलीदान दिले ते मोदींसाठी नव्हे देशासाठी केले. स्वातंत्र्य टिकवणे ही आपली जबाबदारी आहे. आपल्या पक्षाच्या पदरात काही पडले नाही तरी चालेल पण कोणत्याही निवडणुकीत मिंधे गट, भाजपशी युती करू नये, असा घणाघात मुख्यमंत्री उद्धव ठाकरे यांनी लगावला. ते आज मविआच्या पदाधिकाऱ्यांच्या मेळाव्यात मुंबईत बोलत होते.
विविध मुद्यांवर मविआचा मेळावा झाला. उद्धव ठाकरे म्हणाले, लोकशाहीच्या चारपैकी तीन स्तंभाची वाट लागली. आता अपेक्षा फक्त सर्वोच्च न्यायालयाकडून आहे. माझ्यावर नेहमी आरोप केले जातात. त्यात काही वावगं वाटत नाही मी घरी बसून सरकार चालून दाखवले. घरी बसुन मी जे काही करू शकलो ते गुवाहाटीला जावून करू शकले नाही. त्याला मी काय करू शकतो. आज काहीही बोलले तरी जगभर समजते. ते माध्यमांमुळेच. सामील व्हा किंवा आत जा. भाजपमध्ये या किंवा जेलमध्ये जा असा काळ आला आहे. ही लढाई महाराष्ट्रात आपण लढत आहोत.
आपले मविआचे सरकार पुन्हा स्थापन होणारच. मोदी म्हणजे देश तर भारतमाता कुठे आहे. गावागावात जावून आम्हाला मत हवे हे कशासाठी सांगायचे. निवडणूक घेण्याची त्यांची हिंमत नाही. लोकशाही टिकायची असेल तर सामान्यांना धाडसाने पुढे यावे लागेल. जे विकले गेले त्यांना मी थांबवू कशाला. मला विकावू नको विश्वासू माणसे हवे, असेही परखड मत त्यांनी व्यक्त केले.
उद्धव ठाकरे म्हणाले, पंचामृतातील काही शिंतोडे तरी सरकारी कर्मचाऱ्यांवर शिंपडायला हवे होते. गतीमान सरकार म्हणता आणि काच फुटलेल्या एसटीतून महिलांना 50 टक्के सवलत दिली फक्त फिरवणारच का त्यांचे कुटुंब चालेल यासाठी प्रयत्न करा. कुणी कसे म्हणेल मी तशी भुूमिका घ्यायची एवढी लाचारी मी घेणारा नाही. हे सत्य आहे. भाजप अन्याय करीत आहे हे सांगणारे सध्याचे मुख्यमंत्रीच होते आणि त्यांच्यासोबत जाताना काॅंग्रेस राष्ट्रवादी अन्याय करते हे सांगणारेही तेच आहेत. केंद्र सरकारची समर्थनिय भूमिका आम्हाला नव्हती. ते फक्त हातोडा मारायलाच बसले होते. माझ्यासारख्या माणसाला नेता म्हणून स्वीकारले हे राष्ट्रवादी – काॅंग्रेसचे मोठेपण आहे.
उज्वला योजना चांगली आहे पण ती आता चालू आहे का. गॅस सिलेंडकर मिळतो का. ते मिळण्याऐवढे पैसे द्यायला परवडत आहे का? जे खरे नाही ते खरे सांगणे तेच त्यांचे काम. आम्हालाही ते बदनाम करीत आहेत. कोरोनात भ्रष्टाचार केल्याचा आरोप करतात आम्ही काही केले नाही. समाधान हेच की, राज्यात एकाही मृतदेहाची विटंबना होऊ दिली नाही.शिवसेनेचा त्यांनी वापर केला. वापरा आणि फेकून द्या ही त्यांची निती. ते मुफ्तींसोबत गेले तेव्हा त्यांनी काय सोडले आणि आम्हाला हिंदुत्व सोडले असे म्हणता. भाजपचे दोन खासदार होते. सत्ता आज त्यांच्या उंबरठ्यावर येऊन थांबली. अडवाणी पंतप्रधान होऊ शकत होते पण सेक्युलर चेहऱ्याची मागणी झाल्यानंतर अटल बिहारी वाजपेयी पंतप्रधान झाले. अर्थात तेव्हा सेक्युलरही ते होते.
