जळगाव (प्रतिनिधी ) – जागतिक छायाचित्र दिनानिमित्त आज जळगावातील पत्रकार भवनात कॅमेऱ्याचे पूजन करण्यात येऊन उत्साहात जागतिक छायाचित्र दिन साजरा करण्यात आला.
याप्रसंगी आमदार राजूमामा भोळे ,उपप्रादेशिक परिवहन अधिकारी श्याम लोही , फोटोग्राफी फाउंडेशनचे अध्यक्ष हेमंत पाटील जळगावकर ,ज्येष्ठ छायाचित्रकार पांडुरंग महाले, पत्रकार संघाचे कार्यवाह अशोक भाटिया आदी व्यासपीठावर उपस्थित होते . यावेळी मान्यवरांच्याहस्ते कॅमेरांचे पूजन करण्यात आले.छायाचित्रकार आणि पत्रकार याना १० लाखांचा विमा देण्याचे आश्वासन आ. राजूमामा भोळे यांनी यावेळी दिले. तसेच मेहरूण तलावाजवळ फोटाग्राफर व पत्रकारांसाठी शासनाच्या निधीच्या माध्यमातून जागा उपलब्ध करून वास्तू करण्यासाठी आपण प्रयत्नशील असल्याचे त्यांनी यावेळी सांगितले. या
या प्रसंगी सचिव अभिजित पाटील, सहसचिव संधीपाल वानखेडे, सुमित देशमुख , आबा मकासरे, शैलेंद्र सोनवणे, सचिन पाटील, भुषण हंसकर, भगवान सोनार, निखील सोनार, अरूण इंगळे, रजनिकांत पाटील, गोकुळ सोनार, प्रकाश लिंगायत, , रोशन पवार, योगेश चौधरी, संदीप होले, राहूल शिरसाळे यांच्यासह प्रेस फोटोग्राफर मोठ्या संख्येने उपस्थित होते.
