जळगाव ( प्रतिनिधी ) – राज्यातील ९२ नगरपरिषदा व ४ नगरपंचायतींमधील सदस्य पदांच्या सार्वत्रिक निवडणूकां पुढील आदेश येईपर्यंत स्थगित करण्यात आल्या आहेत असे आदेश आज राज्य निवडणूक आयोगाचे अवर सचिव संजय सावंत यांनी जरी केले आहेत .
राज्य निवडणूक आयोगाचे हे आदेश राज्यातील पुणे, सातारा, सांगली, सोलापूर, कोल्हापूर, नाशिक, धुळे, नंदुरबार, जळगांव, अहमदनगर, औरंगाबाद, जालना, बीड, उस्मानाबाद, लातूर, अमरावती व बुलढाणा. जिल्ह्यांच्या जिल्हाधिकाऱ्यांना पोहचवले आहेत . राज्यातील ९२ नगरपरिषदा व ४ नगरपंचायतींमधील सदस्य पदांच्या सार्वत्रिक निवडणूकांसाठी प्रत्यक्ष निवडणूक कार्यक्रम या आयोगाने ८ जुलै रोजी जाहीर केला होता
१७ जिल्ह्यातील ९२ नगरपरिषदा व ४ नगरपंचायतींच्या निवडणूकांसाठी सर्वोच्च न्यायालयात विशेष अनुमती याचिका क्रमांक १९७५६/२०२१ ची सुनावणी १२ जुलैरोजी झाली. त्यावेळी शासनाच्या आयोगाने नागरिकांच्या मागासप्रवर्गाबाबत दिलेला अहवाल सर्वोच्च न्यायालयात सादर केला. सर्वोच्च न्यायालयाने पुढील रुनावणी १९ जुलैरोजी ठेवलेली आहे.
या अनुषंगाने राज्यातील ९२ नगरपरिषदा व ४ नगरपंचायतींमधील प्रत्यक्ष निवडणूक कार्यक्रम रथगित करण्यात येत आहे. या निवडणूकांसाठी सुधारित निवडणूक कार्यक्रम यथावकाश देण्यात येईल. सर्व क्षेत्रात जाहीर करण्यात आलेली आचार संहिता आता लागू राहणार नाही , असेही राज्य निवडणूक आयोगाने स्पष्ट केले आहे.
