जळगाव ( प्रतिनिधी ) – आधीची उधारी मागितल्याच्या रागात अंडागाडीवाल्याला १ जुलै रोजी रात्री जीवघेणी मारहाण करणाऱ्या चार आरोपींच्या विरोधात आता एम आय डी सी पोलीस ठाण्यात गुन्हा दाखल करण्यात आला आहे . दरम्यानच्या काळात उपचार घ्यावे लागल्याने फिर्याद दाखल झाल्यावर हा गुन्हा आता दाखल करण्यात आला .
मोहन भगवान सोनवणे ( वय 30 वर्ष रा. रायपुर कुसुंबा ) यांनी दिलेल्या फिर्यादीत म्हटले आहे की , ते येथे आई ,पत्नी व 3 मुलीसह राहतात अंडा गाडी चालवतात राहुल सोनवणे , मोनु खाटीक हे ओळखीचे आहेत राहुल सोनवणेकडे उधारीचे 2700/- रूपये होते. उधारी मागणेसाठी मी त्याला वेळोवेळी फोन करायचो व समक्ष भेटायचो . तरीदेखील तो उधारी देत नव्हता .
1 जुलैरोजी रात्री माझ्या निलांबरी हॉटेल समोर गाडीवर बसलो होतो. त्यावेळी गाडीवर राहुल सोनवणे :मोनु खाटी खाटीक व दोन अनोळखी इसम आले . दोन अनोळखी मुलापैकी एकाने माझ्या जवळ सिगारेट मागितली . मी त्याला सिगारेट दिली . त्याचे पैसे मागितले असता राहुल सोनवणे म्हणाला कि, पैसे नंतर घे मी राहुल सोनवणेला म्हणालो कि, तुझी मागील उधारी आहे. मी असे बोलल्याचा राग येऊन त्याने मला शिविगाळ केली त्याने व त्याचे सोबत असलेले मोनु खाटीक व दोन अनोळखी इसमांनी गाडीवरच्या सामानाची फेकाफेक केली , त्यांना अडविण्यासाठी गेलो असता त्यांनी मला खाली पाडुन लाथाबुक्यांनी मारहाण केली माझी आई सुमनबाई सोडविण्यासाठी आली तिलादेखील त्यांनी मारहाण केली नतर ते निघुन गेले मला पोटात त्रास होत असल्याने मी जनरिक क्लिनिक गोपाळपुरा येथे औषधोपचार घेतले नतर घरी गेलो त्यानतर 5 जुलै रोजी पुन्हा पोटात जास्त त्रास होत असल्याने धनवंतरी हॉस्पिटल येथे आलो तेथील डॉक्टरांनी अँडमिट करून औषधोपचार केले या फिर्यादीवरून एम आय डी सी पोलीस ठाण्यात या आरोपींच्या विरोधात गुन्हा दाखल करण्यात आला आहे .
