पाचोरा ( प्रतिनिधी ) – नुसती शाल अंगावर घालून कुणी बाळासाहेब ठाकरे होत नसतो अशी टीका आज पाचोऱ्यात पालकमंत्री गुलाबराव पाटील यांनी राज ठाकरे यांच्यावर केली
पाचोरा येथील महालपुरे मंगल कार्यालयात शिवसंपर्क अभियानाचा समारोप मेळाव्या प्रसंगी पालकमंत्री गुलाबराव पाटील अध्यक्षीय भाषणात बोलत होते.
काही लोकांनी राम, हनुमान या देवतांचा राजकीय स्वार्थापोटी वापर करत पक्षात प्रवेश करुन घेतला भाजपावाल्यांनी तर शिवसेना मुळ विचारापासुन लांब गेल्याची बतावणी करत शिवसेनेला बदनाम करण्याचा ठेका घेतला आहे. माझ्या जिल्ह्यात माझ्या पक्षाचे पाच आमदार व राज्यात मनसेचा केवळ एकच आमदार आहे. त्यामुळे मी त्यांच्यापेक्षा नक्कीच श्रेष्ठ आहे राज ठाकरे यांनी बाळासाहेबांसारखी भगवी शाल घातली त्यांनी बाळासाहेब होण्याचे स्वप्न पाहु नये. त्यांचे भोंगे कधीपासुनच बंद झाले , असे सांगत खा. नवनीत राणा यांचेवर टिका करतांना पालकमंत्री गुलाबराव पाटील म्हणाले की, सध्या प्रत्येक टी. व्ही. चॅनलवर व वृत्तपत्रांवर एकच चेहरा दिसत असुन नागरिकांनीही तो चेहरा किती वेळा पाहावा.मिडियानेही एखाद्याचे किती कौतुक करावे याबाबतही विचार करण्यासारखी गोष्ट आहे.
या कार्यक्रमास शिवसेनेचे उपनेते लक्ष्मणराव वडले, आमदार किशोर पाटील, संपर्क प्रमुख संजय सावंत, महानगरप्रमुख शरद तावडे, उपसंपर्क प्रमुख गुलाबराव वाघ, जिल्हा प्रमुख विष्णु भंगाळे, डॉ. हर्षल माने, शेतकरी सेनेचे जिल्हाप्रमुख अरुण पाटील, उपमहापौर कुलभूषण पाटील, सुनिल पाटील, डॉ. विशाल पाटील, संजय पाटील, विराज तावडे, संजय गोहिल, रमेश बाफना, उपजिल्हाप्रमुख अभय पाटील, तालुकाप्रमुख शरद पाटील, जि. प. सदस्य रावसाहेब पाटील, दिपकसिंग राजपुत, पदमसिंग पाटील, शहर प्रमुख किशोर बारावकर, उपजिल्हाप्रमुख जितेंद्र जैन, प्रविण ब्राम्हणे, जावेद शेख, मतिन बागवान, आयुष बागवान, प्रविण ब्राम्हणे, राहुल पाटील, जितेंद्र पाटील, शिवदास पाटील, रवि गीते उपस्थित होते.
पालकमंत्री . गुलाबराव पाटील यांनी सांगितले की, शिवसैनिकांनी राज्यात झालेली विकासकामे जनतेपर्यंत पोहचविण्याची जबाबदारी घेवुन शिवसेनेची बदनामी करणाऱ्यांना जागेवरच उत्तर देण्याची धमक ठेवावी. केंद्र सरकारच्या काळात पेट्रोल, डिझेल व गॅसचे भाव गगणाला भिडले असुन दिवसेंदिवस वाढत्या महागाईमुळे सामान्य नागरिक मेटाकुटीला आलेला आहे. वाढत्या महागाईपासुन लक्ष विचलित करण्यासाठी भाजपाचे काही लोक शिवसेनेची बदनामी करत आहेत.यावेळी खा. उन्मेष पाटील यांच्यावर टिका करतांना ना. पाटील म्हणाले की, गेल्या लोकसभेच्या निवडणुकीत अवघ्या ९ दिवसांत मोठ्या फरकाने निवडुन आणले. मात्र ते माझ्या निवडणुकीचा साधा उमेदवारी अर्जही दाखल करण्यासाठी आले नाही. ते आम्हाला होत नाही तर सर्व सामान्य जनतेला काय होतील. भविष्यातील नगरपालिका , जिल्हा परिषदेच्या निवडणुका कार्यकर्त्यांच्या निवडणूका असुन येत्या निवडणुकीनंतर जिल्हा परिषदेची सत्ता ही एकहाती शिवसेनेकडे असेल.
आ. किशोर पाटील, गुलाबराव वाघ, लक्ष्मणराव वडले, संजय सांवत , विष्णु भंगाळे यांनीही मार्गदर्शन केले. यावेळी नगरदेवळा, गाळण व शिंदाड येथील वक व महिलांनी शिवसेनेत प्रवेश केला.सुत्रसंचलन नाना वाघ यांनी केले.
शिवसंपर्क अभियानानिमित्त आ. किशोर पाटील, लक्ष्मणराव वडले, संजय सांवत, सुमित पाटील, किशोर बारावकर यांचेसह युवा सेनेच्या पदाधिकारी व युवकांनी मोटरसायकल वरुन भगवे झेंडे लावुन महालपुरे मंगल कार्यालयापासुन जारगाव चौफुली, बस स्थानक, छत्रपती शिवाजी महाराज चौक, राजे संभाजी महाराज चौक ते महाराणा प्रताप चौकापर्यंत मोटरसायकल रॅली काढली होती.
