जळगाव ( प्रतिनिधी ) – पाचव्या मजल्यावरून पडल्याने २९ वर्षीय तरूणाचा जागीच मृत्यू झाल्याची घटना घडली एमआयडीसी पोलीसात ठाण्यात अकस्मात मृत्यूची नोंद करण्यात आली आहे.
औदुंबर रविंद्र पाटील (वय – २९ ) मेहरूण येथे कुटुंबियांसह राहत होता. सोमवारी दुपारी परिसरातील एका इमारतीच्या पाचव्या मजल्यावरून पडल्याने त्याचा जागीच मृत्यू झाला हा तरूण पाचव्या मजल्यावर का गेला. तो चुकन पडला की आत्महत्या केली यांची कोणतीही माहिती उपलब्ध झालेली नाही. इमारतीकडून जाणाऱ्या येणाऱ्या नागरीकांना हा प्रकार दिसून आल्याने घटना उघडकीला आली. एमआयडीसी पोलीसांना माहिती मिळताच घटनास्थळी त्यांनी पंचनामा केला. एमआयडीसी पोलीस ठाण्यात अकस्मात मृत्यूची नोंद करण्यात आली. पुढील तपास पोहेकॉ रतिलाल पाटील हे करीत आहेत.
