जळगाव ( प्रतिनिधी ) – येथील गांधी रिसर्च फाऊंडेशनच्यावतीने रविवार दि. २४ एप्रिल २०२२ रोजी सकाळी ९ ते ११ वेळात “आयुष्याची दिशा ठरवितांना !” या करिअर सेमिनारचे आयोजन करण्यात आले आहे. सदर सेमिनारसाठी गांधी रिसर्च फाऊंडेशनचे सहकारी, करिअर मार्गदर्शक व समुपदेशक गिरीश कुळकर्णी यांचे मार्गदर्शन लाभणार आहे. जैन हिल्सच्या गांधीतीर्थ येथील सभागृहात होणाऱ्या या करिअर सेमिनारचा लाभ घेण्यासाठी दि. २३ एप्रिल २०२२ रोजी सायंकाळी ४ वाजेपर्यंत नोंदणी करणे आवश्यक आहे. प्रवेश संख्या मर्यादित असल्याने प्रथम येणाऱ्यास प्राधान्य देण्यात येईल याची नोंद घ्यावी. अधिक माहितीसाठी २२६४८०१ या दूरध्वनीवर संपर्क साधावा असे आवाहन करण्यात आले आहे.
