चाळीसगाव ( प्रतिनिधी ) – भडगाव ते चाळीसगाव दरम्यान बसमध्ये प्रवास करणाऱ्या महिलेच्या बॅगमधून २ लाखाचे दागिने अज्ञात महिलेने चोरून नेले चाळीसगाव शहर पोलीस ठाण्यात गुन्हा दाखल करण्यात आला आहे.
शोभा शिवाजी पाटील (वय-५३ , रा. रायगड नगर, सिडको, औरंगाबाद ) या १६ एप्रिलरोजी कामानिमित्ताने भडगाव ते चाळीसगाव दरम्यान बसमध्ये प्रवास करत होत्या . नगरदेवळा दरम्यान एका अनोळखी महिलेने त्यांच्या बॅगेतून २ लाख ३ हजार ५०० रुपये किमतीचे सोन्याचे दागिने चोरून नेले. हा प्रकार चाळीसगाव बसस्थानकात उतरल्यानंतर शोभा पाटील यांच्या लक्षात आला. त्यांनी चाळीसगाव शहर पोलीस ठाण्यात माहिती दिली. शोभा पाटील यांच्या फिर्यादीवरून अज्ञात महिलेवर चाळीसगाव शहर पोलीस ठाण्यात गुन्हा दाखल करण्यात आला पुढील तपास पो उ नि सुहास आव्हाड करीत आहेत.
