जळगाव ( प्रतिनिधी ) – नशिराबादकडून जळगावकडे येताना सरस्वती फोर्ड शोरूमसमोर कारने मोटारसायकलला धडक दिल्याने वृद्ध मोटारसायकलस्वार जखमी झाला नशिराबाद पोलिसात अज्ञात कारचालक विरोधात गुन्हा दाखल करण्यात आला आहे.
नशिराबाद शहरातील बारदरी मोहल्ला येथे सुलतान शेख उस्मान (वय-६०) राहतात. ते रविवारी दुपारी त्यांच्या (एमएच १९ बीडी ४८७१) या क्रमांकाच्या मोटारसायकलने नशिराबादकडून जळगावकडे जात होते. महामार्गावरील सरस्वती फोर्ड शोरूम समोर (एमएच ०५ सीए १६५२) या क्रमांकाच्या कारने त्यांना धडक दिली. या धडकेत सुलतान शेख यांच्या डोक्याला व पायाला गंभीर दुखापत झाली अपघातानंतर कार चालक घटनास्थळावरून पसार झाला. सुलतान शेख यांचा नातू शेख जावेद शेख आसिफ याने दिलेल्या तक्रारीवरून रात्री अज्ञात कारचालक विरोधात नशिराबाद पोलिसात गुन्हा दाखल करण्यात आला आहे.
