जळगाव ( प्रतिनिधी) – जैन इरिगेशन सिस्टिम्स्,, भवरलाल अॅण्ड कांताबाई जैन फाउंडेशन व गांधी रिसर्च फाउंडेशनतर्फे जागतिक जल दिनाच्या औचित्याने ( 22 मार्च ) उद्या ( 20 मार्च ) महात्मा गांधी उद्यान येथे सकाळी ‘पाणी’ या विषयावर निःशूल्क चित्रकला स्पर्धा आयोजण्यात आले आहे.
या स्पर्धेसाठी 4 थी ते 7 इयत्तेचा पहिला तर 8 वी ते 12 वी इयत्तेसाठी दुसरा गट ठरविण्यात आलेला आहे. विद्यार्थ्यांनी या स्पर्धेत सहभागी व्हावे असे आवाहन आयोजकांनी केले आहे.
सामान्यांना पाण्याचे महत्त्व कळण्यासाठी जैन इरिगेशनतर्फे दरवर्षी पाण्याबाबत जनजागृतिचे विविध उपक्रम करण्यात येतात. कोविडच्या आव्हानात्मक परिस्थिती व निर्बंधांमुळे दोन वर्षांपासून कार्यक्रम स्थगित होते. यावर्षीचित्रकला स्पर्धेच्या माध्यमातून हा उपक्रम शासकीय मार्गदर्शक सूचनांनुसार राबविण्यात येत आहे.
चित्रासाठी कागद आयोजकांतर्फे पुरविण्यात येईल पेन्सिल, रंग इत्यादी साहित्य स्पर्धकाने स्वतः आणायचे आहे. सहभागी स्पर्धकांच्या चित्रांचे 22 मार्च रोजी जागतिक जल दिनाच्यानिमित्ताने आयोजित कार्यक्रमात चित्रप्रदर्शन मांडले जाणार आहे. विजेत्या स्पर्धकांना 22 मार्चरोजी भाऊंचे उद्यान येथे संध्याकाळी 6.30 वा. पारितोषिके देऊन गौरव केला जाणार आहे. या स्पर्धेत सहभागी होण्यासाठी जैन इरिगेशनचे आर्टिस्ट आनंद पाटील यांच्याशी 9422276826, 9579775201 या क्रमांकावर संपर्क साधावा.
दोन्ही गटांसाठी विजेत्या स्पर्धकांसाठी प्रथम, द्वितीय, तृतीय व दोन उत्तेजनार्थ अशी स्वतंत्र पारितोषिके आहेत. पहिले 1100, दुसरे 750,
तिसरे – 500 आणि प्रत्येकी 500 रुपये असे 2 उत्तेजनार्थ असे रोख पारितोषिके आहेत. या चित्रकला स्पर्धेत सहभागी होऊन पाण्याच्या
जागृतिसाठी आपलाही सहभाग नोंदवावा असे आवाहन करण्यात आले आहे.
