भडगाव (प्रतिनिधी) – भडगाव – पाचोरा रोडवर दोन दुचाक्या समोरासमोर धडकल्याने झालेल्या अपघातात दोन जण जागीच ठार झाले.
घाटनांद्रा येथील रामेश्वर मोरे ( वय २५ ) शेतात काम करण्यासाठी सेंदवा येथुन सालदार घेऊन येत असतांना पाचोरा ते भडगाव दरम्यान मदरसाजवळ समोरुन येणाऱ्या मोटारसायकलची त्यांच्या मोटारसायकलला जोरदार धडक बसली एम. एच. २० डी एन ५९६२ या क्रमांकाच्या मोटारसायकलवरील रामेश्वर मोरे व सेंदवा येथील निलेश बारेला हे जागीच ठार झाले
. अपघातात मयत झालेला रामेश्वर मोरे हा घाटनांद्रा येथील शेतकरी आहे आजच त्याला लग्नासाठी बघायला मुलीकडील मंडळी आली होती. लग्नाच्या बोहल्यावर चढण्याआधीच रामेश्वरला आपला जीव गमवावा लागला. या घटनेमुळे परिसरात हळहळ व्यक्त होत आहे. मयताचे गोंदेगाव परीसरातील नातेवाईकांनी पाचोरा काॅग्रेस तालुकाध्यक्ष सचिन सोमवंशी यांना ही वार्ता कळविल्यानंतर सोमवंशी यांनी तात्काळ भडगाव येथील टायगर गृपचे सद्दाम शेख, जुबेरा मिर्झा, अमीर शेख, बबलु पवार यांना सांगून मदत केली . पुढील तपास पाचोरा पोलीस करीत आहेत.
