मुंबई ;- (वृत्तसंस्था );- मुख्यमंत्री उद्धव ठाकरे यांच्या वर्षा बंगल्यावर तैनात असलेल्या एका सहाय्यक पोलीस निरीक्षकाला करोना व्हायरसची लागण झाली आहे. या सहाय्यक पोलीस निरीक्षकाचा Covid-19 चाचणीचा रिपोर्ट पॉझिटिव्ह आला आहे. सहाय्यक पोलीस निरीक्षकाच्या संपर्कात असलेल्या निकटच्या सहा जणांना क्वारंटाइन करण्यात आल्याची माहिती मुंबई पोलिसांनी दिली आहे. वर्षा हे मुख्यमंत्र्यांचे सरकारी निवासस्थान आहे. इंडिया टुडेने हे वृत्त दिले आहे.
दरम्यान वर्षा बंगल्यावरच तैनात असलेल्या एका महिला कॉन्स्टेबलचाही करोना चाचणीचा रिपोर्ट पॉझिटिव्ह आला आहे. न्यूज १८ ने हे वृत्त दिले आहे. दरम्यान सध्या वर्षा बंगल्यावर कोणी राहत नाही. मुख्यमंत्री उद्धव ठाकरे हे कुटुंबासह वांद्र्यात मातोश्री येथे राहतात.
