चंद्रपूर ( वृत्तसंस्था ) – भिसी – उमरेड महामार्गावर चिचोली फाटा येथे गायीची तस्करी करणाऱ्या ट्रकची विरुद्ध दिशेने येणाऱ्या टिप्परशी धडक झाली . या अपघातात तस्करीच्या ट्रकचा मागचा भाग पूर्ण तुटला. या अपघातात सफाई कामगारांसह १९ गायींचा मृत्यू झाला. पोलिसांनी दोन्ही ट्रकमध्ये अडकलेल्या १५ गायी आणि तीन जणांना सुखरूप बाहेर काढले.
भिसी उमरेड रस्त्यावर दोन ट्रकची धडक झाल्याची माहिती भिसी पोलिसांच्या गस्तीवरील वाहनाला मिळाली. गोतस्कर यांचे वाहन ( एमएच ४० बी जी ६६९७ ) व त्याच्या विरुद्ध बाजूने गिट्टीने भरलेला टिप्पर ( एमएच ४० बीजे ९२१६) याच्यांत धडक झाली. दोन्ही वाहन उलटले. गोवंश तस्करीच्या वाहनात भरलेल्या ३४ गायींपैकी १९ गायींचा जागीच मृत्यू झाला.
पोलिसांनी ट्रकमध्ये अडकलेल्या लोकांना शोधून काढले. जखमी गायींना बाहेर काढले. डॉ. मोरेश्वर मोडक यांनी जखमी गायींवर उपचार केले. पंधरा गायींना गोंदोडा येथील राष्ट्रसंत तपोभूमी गोशाळेत नेण्यात आले.
