यावल ( प्रतिनिधी ) – शहरातील बोरावल रस्त्यावर खंडेराव मंदिरासमोरून अवैध गौण खनिजाची वाहतूक करणाऱ्या दोन ट्रॅक्टर चालकांवर मंगळवारी सकाळी कारवाई करत यावल पोलीस ठाण्यात गुन्हा नोंदविण्यात आला आहे.
यावल पोलीस ठाण्याचे पोलीस कर्मचारी राहूल चौधरी मंगळवारी सकाळी बोरावल रस्त्यावर गस्तीवर असतांना ट्रॅक्टर क्रमांक (एमएच ४० एल ११००) आणि (एमएच १९ एपी ९३८६) या दोन ट्रॅक्टरमधून गौण खनिजाची चोरटी वाहतूक करत असताना आढळून आले. पो कॉ राहुल चौधरी यांनी कागदपत्रांची मागणी केली असता ट्रॅक्टर चालक रघुनाथ भिल (वय-४०) आणि दगडू भिल (वय-३०) ( दोघे रा. बोरावल गेट, यावल ) यांच्याकडे कोणतीही परवानगी नसल्याचे आढळून आले. दोन्ही ट्रॅक्टर जप्त करत पोलीस ठाण्याच्या आवारात उभे करण्यात आले पो.कॉ. राहुल चौधरी यांच्या फिर्यादीवरून यावल पोलीस ठाण्यात दोन्ही ट्रॅक्टर चालकांवर गुन्हा दाखल करण्यात आला पुढील तपास स फौ नेताजी वंजारी करीत आहेत.
