धरणगाव ( प्रतिनिधी ) – शहरातील मातोश्रीनगरात बंद घरातून अज्ञात चोरट्यांनी रोख रकमेसह सोन्याचे दागिने चोरून नेट अडीच लाखांची घरफोडी केली आहे. धरणगाव पोलीस ठाण्यात अज्ञात चोरट्यांवर गुन्हा दाखल करण्यात आला आहे.
सुरेखा भदाने (वय-४८ , रा. मातोश्री नगर, धरणगाव ) हे कुटुंबीयांसह राहतात. २८ सप्टेंबररोजी दुपारी १ ते २९ सप्टेंबरच्या सकाळी ११ वाजेच्या दरम्यान त्या कामानिमित्त घराला कुलूप लावून बाहेरगावी गेल्या होत्या. दरम्यान घर बंद असल्याचा फायदा घेत अज्ञात चोरट्यांनी घरफोडी करून घरातील ५ हजार रुपयांची रोकड आणि २ लाख ४६ हजार ३२० रुपयांचे दागिने असा एकूण २ लाख ५१ हजार ३२० रुपयांचा मुद्देमाल चोरून नेल्याचे उघड झाले आहे. सुरेखा भदाणे यांच्या फिर्यादीवरून धरणगाव पोलीस ठाण्यात अज्ञात चोरट्यांवर गुन्हा दाखल करण्यात आला आहे. पुढील तपास स पो नि गणेश अहिरे करीत आहेत.
