जळगाव ( प्रतिनिधी ) – बांभोरी गावाजवळच्या पुलावर दुचाकीने टँकरला ओव्हरटेक करताना आई आणि मुलाचा मृत्यू झाल्याची घटना आज दुपारी साडे तीन वाजेच्या सुमारास घडली तर यात एक जण जखमी झाली आहे.
एरंडोल येथील ग्रामीण रुग्णालय परिसरातील रहिवाशी चारुशीला राहुल पाटील , त्यांचा मुलगा निशांत राहुल पाटील आणि चारुशीला पाटील यांची बहीण रुपाली पाटील हे तिघे (एम एच १९ – डी.क्यू – ३८९६) या क्रमांकाच्या ऍक्टिव्हा दुचाकीवरून एरंडोलहून जळगावला आई – वडिलांनकडे येत होते. पुढे चालत असलेल्या टँकरला ओव्हरटेक करताना तोल जाऊन ते पडले. आणि चारुशीला पाटील ( वय ४० ) व निशांत पाटील ( वय १२ ) हे दोघे आई व मुलगा टँकरच्या मागच्या चाकात सापडून जागीच ठार झाले . दुचाकी ऍक्टिव्हा चालवणाऱ्या रुपाली पाटील या अपघातात जखमी झाल्या त्यांनीच लोकांच्या मदतीने या दोघांना जिल्हा शासकीय वैद्यकीय महाविद्यालय रुग्णालयात दाखल केले. निशांत पाटील हा एकुलता एक मुलगा होता.
रुपाली पाटील ह्या जळगावातील मुक्ताईनगरातील येथे आई – वडिलानकडे राहतात. त्या एरंडोल येथे शिक्षिका म्हणून नोकरी करतात. आज बहीण व तीच्या मुलाला घेऊन येत असतांना हा अपघात घडला. सदर या अपघातात असलेले गँस टँकर जळगाव तालुका पोलीस स्थानकात जमा करण्यात आले आहे. याबाबत पुढील कारवाई बाभोरी पोलीस करीत आहे.
