अमळनेर ( प्रतिनिधी ) — चौबारी येथे किराणा दुकान फोडून दुकानातील रोकडसह किराणा सामान असा एकुण ६० हजार रुपयांचा ऐवज अज्ञात चोरट्यांनी चोरून नेल्याचे उघडकीला आले आहे.
मारवड पोलीस ठाण्यात अज्ञात चोरट्यांवर गुन्हा दाखल करण्यात आला आहे. संजय भागचंद जैन (वय-४० रा. चौबारी ता. अमळनेर ) यांचे संजय प्रोव्हीजन नावाचे किराणा दुकान आहे. १५ सप्टेंबररोजी रात्री जैन किराणा दुकान बंद करून घरी गेले. मध्यरात्री अज्ञात चोरट्यांनी किराणा दुकान फोडून दुकानातील ३५ हजार रुपयांची रोकड आणि किराणा सामान असा एकूण ६० हजार रुपये किमतीचा मुद्देमाल चोरून नेल्याचे १६ सप्टेंबर रोजी सकाळी उघडकीला आले . संजय जैन यांनी मारवड पोलीस ठाण्यात तक्रार दिली. पुढील तपास पोलिस नाईक भास्कर चव्हाण करीत आहे.
