बांभोरी येथील घटना
जळगाव (प्रतिनिधी );- धरणगाव तालुक्यात असलेल्या बांभोरी येथील बसस्थानकासमोर अज्ञात वाहनाने दिलेल्या धडकेत दुचाकीवरून वसुलीसाठी जात असलेला एक तरुण जागीच ठार तर दुसरा जखमी झाल्याची घटना काल रात्री घडली आहे. शाहिद शकिल बागवान (वय-२२) रा. टिपू सुलतान नगर, तांबापूरा जळगाव असे मयत तरुणाचे नाव असून त्याच्यासोबत असलेला मित्र हा जाहमी झाला आहे.
शाहिद बागवान शहरातील आंबे विक्री व किरकोळ व्यापाराचे काम करीत असल्याने रविवार ६ जून रोजी रात्री ८ वाजेच्या सुमारास मित्रासह दुचाकीने पाळधी येथे वसुलीसाठी निघाले. दरम्यान बांभोरी गावाजवळी बसस्थानकाजवळून जात असतांन अज्ञात वाहनाने जोरदार धडक दिली. यात शाहिद बागवान हा जागीच ठार झाला तर सोबत असलेला मित्र हा जखमी झाला. जखमी शहरातील खासगी रूग्णालयात उपचारार्थ दाखल करण्यात आले आहे. शाहिदचा मृतदेह जिल्हा शासकीय वैद्यकीय महाविद्यालयात आणण्यात आला. आज सोमवारी ७ जून रोजी सकाळी ९ वाजता शवविच्छेदन करण्यात आला असून मृतदेह नातेवाईकांच्या ताब्यात देण्यात आला आहे. याप्रकरणी शनीपेठ पोलीस ठाण्यात अकस्मात मृत्यूची नोंद करण्यात आली आहे. प्राथमिक तपास मनोज इंद्रेकर करीत आहे.
