नवी दिल्ली (वृत्तसंस्था) – कोरोनाच्या पहिल्या आणि दुसर्या लाटेमुळे झालेला हाहाकार पाहिल्यानंतर, आता तज्ञ तिसऱ्या लाटे (Covid Third Wave) बद्दल चेतावणी देत आहेत. IIT Kanpur आणि IIT Delhi यांनीही जुलैनंतर देशात तिसर्या लाटेचा अंदाज वर्तविला आहे. असेही म्हटले जात आहे की,’ते दुसऱ्या लाटेच्या तुलनेत 30-60 टक्के अधिक लोकांना अडचणीत आणू शकते. एवढेच नव्हे तर यासाठी अगोदर तयारीची मागणी केली जात आहे.’
देशातील कोरोनाची पुढील लाट आणि दुसर्या लाटेत वैद्यकीय उपकरणे (Medical Devices) कमी पडण्याची शक्यता निर्माण झाल्यानंतर आता तिसऱ्या लाटेत उपयोगात येणाऱ्या वैद्यकीय उपकरणांची लिस्ट तयार केली गेली आहे. ही लिस्ट केंद्र सरकारच्या औषधनिर्माण विभागाला पाठविली गेली आहे. यामध्ये अशी एकूण 47 वैद्यकीय उपकरणे किंवा वस्तू देण्यात आल्या आहेत, ज्या कोरोनाच्या उपचारादरम्यान आणि पुढील देखील आवश्यक असू शकतात.
एका न्यूज चॅनेलशी झालेल्या संभाषणात असोसिएशन ऑफ इंडियन मेडिकल डिव्हाइस इंडस्ट्री (AIMED) चे फॉरम कॉर्डिनेटर राजीव नाथ म्हणतात की,’ सहसा कोरोनादरम्यान प्रत्येकाला मास्क, सॅनिटायझर्स, ऑक्सिजन, पीपीई किट यांसारख्या एका डझनपेक्षा वस्तूंची माहिती असते. तर कोरोना रूग्णांच्या उपचारादरम्यान 45 पेक्षा जास्त गोष्टींची आवश्यकता असल्याचे समोर आलेले आहे.
ही सर्व वैद्यकीय उपकरणे आहेत जी केवळ दुसर्या लाटे दरम्यानच वापरली गेली नाहीत तर या उत्पादनांसाठी देखील वापरली जातात, यासाठी केंद्र सरकारने वैद्यकीय उपकरणे तयार करणार्या कंपन्यांना वारंवार लिस्ट दिली आहे. आता AIMED च्या नुकत्याच झालेल्या बैठकीनंतर या सर्व वैद्यकीय उपकरणांची लिस्ट तयार करून केंद्र सरकारला देण्यात आली आहे. यासह, कोरोनाच्या तिसर्या लाटेसारख्या कुठल्याही आपत्कालीन परिस्थितीला सामोरे जावे म्हणून या सर्वांचा संग्रह करण्याची मागणीही करण्यात आली आहे.
