पाचोरा (प्रतिनिधी) – स्व. राजीव गांधी यांच्या पुण्यतिथीनिमित्ताने काँग्रेस कार्यकर्त्यांनी रणरणत्या उन्हात भुकेल्या व्यक्तींना जेवणाची पाकिटे वाटप करून दिवंगत माजी पंतप्रधान राजीव गांधी यांना श्रदांजली वाहिली.
पाचोरा कॉग्रेस व महीला कॉग्रेससह जळगाव जिल्हा सोशल मीडिया च्या माध्यमातून स्व. राजीव गांधी यांची पुण्यतिथी आगळ्यावेगळ्या पद्धतीने साजरा करण्यात आली. यात सुरवातीला स्व. राजीव गांधी यांच्या प्रतिमेला पुष्पहार अर्पण करण्यात आला. यावेळी कॉग्रेस तालुका अध्यक्ष सचिन सोमवंशी, शहर अध्यक्ष अॅड अमजद पठाण, जिल्हा उपाध्यक्ष विकास वाघ, तालुका सरचिटणीस प्रताप पाटील,अल्पसंख्याक जिल्हा सरचिटणीस इरफान मनियार, जिल्हा महिला काँग्रेस च्या अॅड मनिषा पवार, तालुका अध्यक्ष कुसुम पाटील, शीला सुर्यवंशी सोशल मीडियाचे राहुल शिंदे, कल्पेश येवले,गजेंद्र पाटील, गणेश पाटील, शिवाजी पाटील, बबलु ढाकरे, सोनु पुजारी आदी उपस्थित होते. यावेळी तालुका अध्यक्ष सचिन सोमवंशी यांनी स्व. राजीव गांधी यांच्या संगणक युगामुळे विद्यार्थींसह परदेशातील कामे कोरोना काळात अॉनलाईन संगणकावर करण्यात आले त्यांचे योगदान देश कधीच विसरणार नाही. यानंतर पाचोरा कॉग्रेस सह महीला कॉग्रेस, सोशल मीडिया यांच्या माध्यमातून तहसील कार्यालयाच्या आवारात काही गरजुंना अन्न दानाचे वाटप करण्यात आले. त्यानंतर शहरातील स्टेशन रोड परिसर, भडगाव रोड परिसरातील गरजुंना त्याच्यां पर्यंत जावुन जेवणाचे पाकीट वाटप करण्यात आले. यावेळी गरजुंनी पाकीट मिळाल्यावर जेवण झाल्यानंतर गरजूंच्या चेहऱ्यावर समाधानाचे भाव दिसत होते. यावेळी पदाधीकारी कार्यकर्त्यांनाही गहिवरून आले. यावेळी प्रत्येकाने अन्नदानाचा संकल्प केला आहे.
