जळगाव ;- शहरापासून जवळ असलेल्या खेडी येथील तरुणाला काहीही कारण नसतांना तीन जणांनी बेदम मारहाण केल्याची घटना घडली असून याप्रकरणी गुन्ह्याची नोंद करण्यात आली आहे.
याबाबत सूत्रांनी दिलेली माहिती अशी कि, विजय पाडूंरग मराठे (वय-४५) रा. खेडी बुद्रुक ता.जि.जळगाव हे खासगी नोकरी करून उदरनिर्वाह करतात. शनिवार १५ मे सायंकाळी ७ वाजता रोजी जळगाव भुसावळ रोडवरील नूपूर हॉटेलजवळ घरी जात असतांना गणेश मेंबर कोळी रा. अयोध्यानगर, बबलू कोळी आणि मनोज सपकाळे यांनी काहीही कारण नसतांना विजय मराठे याला चापटाबुक्क्यांनी मारहाण करून जीवेठार मारण्याची धमकी दिली. दरम्यान तिघांविरोधात पोलीसांत तक्रार देण्यासाठी जात असतांना विजय मराठे व त्याचा भाऊ सचिन मराठे यांना आडवणूक करून पोलीसात तक्रार दिली तर जीवेठार मारण्याची धमकी दिली. याप्रकरणी विजय मराठे यांच्या फिर्यादीवरून एमआयडीसी पोलीस ठाण्यात तीन जणांविरूध्द गुन्हा दाखल करण्यात आला आहे. पुढील तपास पीएसआय विशाल सोनवणे करीत आहे.
