जामनेर (प्रतिनिधी) – जामनेरचे पोलीस निरीक्षक प्रताप इंगळे याना गुप्त माहिती मिळाली की गारखेडा शिवारातील वाघूर धरणाच्या पायथ्याशी गावठी दारू बनवली जाते त्या मुळे जामनेर पोलीस निरीक्षक यांच्या मार्गदर्शनाखाली कडक पाऊले उचलण्यास सुरवात केली.
वाघूर धरणाच्या पायथ्याशी गावठी दारूच्या हातभट्टी सुरू आहे अशी माहिती मिळाली असता जामनेर चे कर्तव्यदक्ष पोलीस निरीक्षक प्रताप इंगळे यांनी आपली टीम नेमली .यात पो.हे.कॉन्स्टेबल विलास चव्हाण पो.ना.हंसराज वाघ पो.कॉ तुषार पाटील पो.कॉ मनोज धनगर यांच्या टीमने गुप्त माहिती नुसार गरखेडा शिवारातील वाघूर च्या पायथ्याशी सापळा रचला आणि हातभट्टी वर छापा टाकला असता त्या ठिकाणी दीपक ठाकरे.रा.गारखेडा हा गावठी दारू बनविताना आढळून आला सदर ठिकाणी 6000 रु किंमतीचे गावठी हातभट्टी कच्चे पक्के रसायन मिळून आले सदर ठिकाणी पंचनामा करून रसायन जागेवर नष्ट करण्यात आले.
आरोपी दीपक ठाकरे यांच्या विरुद्ध जामनेर पोलीस ला गु.र.न_120/2021.महा दारूबंदी अधिनियम 1949 चे कलम,फ .ब.क.ई प्रमाणे गुन्हा नोंद करण्यात आला आहे पुढील तपास पोलिस निरीक्षक प्रताप इंगळे यांच्या मार्गदर्शनाखाली पो.हे.कॉ.विलास चव्हाण हे करीत आहे.
