आ. लताताई सोनवणे आणि माजी आ. प्रा . चंद्रकांत सोनवणे यांच्या प्रयत्नांना यश
जळगाव ( प्रतिनिधी ) ;- चोपड्याचे माजी आमदार प्रा . चंद्रकांत सोनवणे, आमदार लता सोनवणे यांनी चहार्डी ता. चोपडा येथील सरकारी व खासगी जागेची माहिती देत ते अनुसूचित क्षेत्र औद्योगिक क्षेत्र म्हणून जाहीर करावे या मागणीसाठी राज्य शासनाच्या उद्योग ,ऊर्जा व कामगार विभागाकडे वारंवार पत्रव्यवहार करून पाठपुरावा केला होता. त्यांच्या या प्रयत्नांना यश आले असून शासनाने चोपडा औद्योगिक विकास केंद्राला मंजुरी दिल्याने ११७ एकरमध्ये एमआयडीसी होणार असून तालुक्यातील जनता आणि शेतकर्याना रोजगार प्राप्त होणार असल्याची माहिती माजी आ. प्रा . चंद्रकांत सोनवणे आणि आ. लता सोनवणे यांनी आज पत्रकार परिषदेमध्ये दिली . यावेळी बोलतांना माजी आ. प्रा . चंद्रकांत सोनवणे म्हणाले कि , चोपड्याचे आमदार असताना ३ नोव्हेंबर २०१५ ला चहार्डी येथील सरकारी आणि खासगी जागेची माहिती दिली होती . तसेच १९ जुलै २०१६ ला पुन्हा कार्यालयाशी पत्रव्यवहार केला होता . त्यानंतर वेळोवेळी पाठपुरावा करून मुख्यमंत्री उद्धव ठाकरे , यांच्यासोबत बैठक घेऊन अधिसूचना काढणेबाबत चर्चा केली होती . मुख्यमंत्री उद्धव ठाकरे , उपमुख्यमंत्री अजित पवार, उद्योगमंत्री सुभाष देसाई आदित्य ठाकरे , पालकमंत्री गुलाबराव पाटील ना. बाळासाहेब थोरात अपर मुख्य सचिव वेणुगोपाल रेड्डी यांचे आभार मानले आहे. माजी आ. प्रा . चंद्रकांत सोनवणे म्हणाले कि , चोपडा तालुका हा विकासापासून वंचित असून एमआयडीसीच्या माध्यमातून आदिवासी बांधवाना रोजगार उपलब्ध होईलच तसेच शेतीपूरक उद्योग यावेत अशी भावना व्यक्त केली .
