सकाळी अनुत्साह ,दुपारी उत्साह अन सायंकाळी मतदान केंद्रांवर रांगाच रांगा !
जळगाव (प्रतिनिधी ) जिल्ह्यातील 687 ग्रामपंचायतीसाठी 78.11% मतदान* झाले आहे.सर्वाधिक मतदान *जामनेर तालुक्यात 82.45 टक्के त्यापाठोपाठ *रावेर तालुक्यात 81.97टक्के मतदान आहे. तर *सर्वात कमी मतदान 67.96टक्के भुसावळ तालुक्यात* झाले आहे.
जिल्ह्यातील ६८७ ग्रामपंचायत निवडणुकीसाठी शुक्रवारी १५ रोजी मतदान घेण्यात आले . आज सकाळ पासूनच मतदारांमध्ये अनुत्साहाचे वारावरण पाहायला मिळत होते . मात्र दुपारपासून मतदारांनी उत्साह दाखविल्याने मतदानाची टक्केवारी वाढली होती . दुपारी साडेतीन वाजेपर्यंत पहिल्या दोन तासात ११.५६ टक्के मतदान झाले होते. त्यानंतर सकाळी ११.३० पर्यंत २२.२५ टक्के मतदान झाले. तर दुपारी १.३० वाजेपर्यंत ४८.३४ टक्के मतदान झाले. तर दुपारी ३.३० पर्यंत ६६.४७ टक्के मतदान झाले. मात्र साडेतीन वाजेनंतर मतदारांच्या मतदार केंद्रांवर रांगाच रांगा लागल्याचे चित्र आले,
जिल्ह्यातील ६८७ ग्रामपंचायत निवडणुकीसाठी शुक्रवारी मतदान घेण्यात आले . तुरळक घटना वगळता मतदान प्रक्रिया हि शांततेत पार पडली . जिल्ह्यातील १३ लाख ४ हजार ९२३ मतदार होते.
जळगाव जिल्ह्यातील ७८३ ग्रामपंचायतींची सार्वत्रिक निवडणूक जाहीर करण्यात आली होती. त्यासाठी २३ डिसेंबरपासून निवडणूक प्रक्रियेला सुरूवात झाली होती. निवडणुकीसाठी २० हजार २६४ उमेदवारांनी अर्ज भरले होते. त्यात २८८ उमेदवारांचे अर्ज अवैध ठरले होते. तर १९ हजार ९७६ उमेदवारांचे अर्ज वैध ठरले होते. माघारीच्या दिवशी ६ हजार १२९ उमेदवारांनी माघार घेतली होती. त्यामुळे निवडणूकीसाठी १३ हजार २४७ उमेदवार रिंगणात आहेत. सुमारे ९६ ग्रामपंचायतींची निवडणूक ही बिनविरोध झाली आहे. त्यामुळे ६८७ ग्रामपंचायत निवडणुकीसाठी शुक्रवारी मतदान झाले.
१३ लाख ४९२३ मतदार
जळगाव जिल्ह्यात ग्रा.पं.निवडणुकीसाठी १३ लाख ४९२३ मतदार आहेत. त्यामध्ये ६ लाख २६ हजार ७ महिला तर ६ लाख ७८ हजार ९०६ पुरूष मतदार आहे. इतर १० मतदार आहेत.
तालुका निहाय मतदार
जळगाव (१०८४३६), जामनेर (१३४१८३), धरणगाव (६१३८०), एरंडोल (६४४३०), पारोळा (७०६१८), भुसावळ (६७८५८), मुक्ताईनगर (७६३००), बोदवड (३४५२०), यावल (९५०२७), रावेर (८३५२४), अमळनेर (६८२७१), चोपडा (८५४५८), पाचोरा (१५४७३८), भडगाव (५४२६८), चाळीसगाव (१४५९१२).
