मुंबई (वृत्तसंस्था) – माजी मंत्री एकनाथराव खडसे यांनी मुख्यमंत्री उध्दव ठाकरे यांची भेट काल घेतली. या भेटीत त्यांनी जळगाव जिल्ह्यातील प्रलंबित सिंचन व इतर प्रकल्पांसह गोपीनाथ मुंडे स्मारकासंदर्भात चर्चा केली .
एकनाथराव खडसे महसूल मंत्री असतांना त्यांनी गोपिनाथ मुंडे यांच्या स्मारकाकरीता औरंगाबाद येथे जमिन उप्लब्ध करुन दिलेली होती स्मारकाकरीता 25 कोटि रुपयांचा निधी देण्यास मंजुरी दिलेली होती, नंतर दुर्दैवाने या स्मारकाकरीता निधी उप्लब्ध झाला नाही या स्मारकाकरीता निधी उप्लब्ध करुन द्यावा अशी मागणी केली त्यावर उध्दव ठाकरे यांनी सकारत्मकता दर्शवली व आश्वासन दिले.
जळगाव जिल्ह्यातील शेळगाव बैरेज व बोदवड उपसा सिंचन योजनेकरीता केंद्रीय जल आयोगामार्फत मान्यता मिळाली असुन केंद्रामार्फत निधी देण्यात येणार आहे, राज्यसरकार मार्फत केंद्र सरकारला प्रस्ताव देण गरजेचे आहे. म्हणुन कैबिनेट बैठकीत प्रस्ताव लवकरात लवकर मांडुन केंद्राकडे पाठवावा अशी मागणी खडसे यांनी केली. यावर मुख्यमंत्री उध्दव ठाकरे यांनी राज्यसरकार प्रस्ताव तयार करुन केंद्र सरकारकडे पाठवेल असे आश्वासित केले.
