राजनंदिनी बहुद्देशीय संस्थेतर्फे पुरस्कार प्रदान
जळगाव(प्रतिनिधी)- जळगाव तालुक्यातील जिल्हा परिषद प्राथमिक शाळा वडली येथील उपक्रमशील शिक्षिका मोनिका विजय चौधरी यांना जळगाव येथील राजनंदिनी बहुद्देशीय संस्थेतर्फे सन २०२०-२१ या वर्षाचा राष्ट्रीय शिक्षक दिनानिमित्त दिला जाणारा आदर्श शिक्षक पुरस्कार देऊन गौरविण्यात आले.यावेळी प्रमूख पाहुणे म्हणून खान्देश कुणबी मराठा वधुवर परिचय गृप व गौरी गृप वावडदाचे अध्यक्ष,सामाजिक कार्यकर्ते सुमित पाटील हे होते.
मोनिका चौधरी यांनी आतापर्यंत शिरसोली,नशिराबाद,राणीचे बांबरुड अशा विविध गावांतील शाळांमध्ये सेवा केली असून विद्यार्थ्यांसाठी ज्ञानरचनावादी अध्यापन,मूल्यवर्धन उपक्रम,टॅग उपक्रम असे अनेक विविध नाविन्यपूर्ण उपक्रम राबविले आहेत.तसेच जिल्हा,तालुका स्तरावर अनेक शिक्षकांना प्रशिक्षणे दिली आहेत,नवोपक्रम,कृतीसंशोधन यांमध्ये शोधनिबंध सादर केले आहेत. या उपक्रमांची दखल घेत आदर्श शिक्षक पुरस्कार प्रदान केल्याचे राजनंदिनी बहुद्देशीय संस्थेच्या अध्यक्षा सौ.एस.डी.वाघ यांनी यावेळी सांगितले.मोनिका चौधरी यांना यापूर्वी देखील विविध पुरस्कारांनी गौरविण्यात आले आहे.
