भुसावळ (प्रतिनिधी) – भुसावळ येथील बंद खोलीत विना परवाना काढा बनविण्याचा कारखान्यात एम.आय.तेली गृपतर्फे तयार करण्यात आलेल्या मालेगाव पॅटन युनानी काढा भुसावळ ताब्यात घेण्यात आला असून जळगाव मधील अन्न व औषध प्रशासन विभाग यांच्या पथकाने धाड टाकून धडक कारवाई केली.
भुसावळ शहरातील कॉलनीतील एमआय तेली इंग्लिश मीडियम स्कूलच्या खोलीत जळगाव येथील अन्न व औषध प्रशासन विभाग यांच्या पथकाने धाड टाकून धडक कारवाई करत 1 लाख 2 हजाराची कोरोना काढ्याची 34 खोके आणि 85000 हजार रुपये किमतीची दोन मशीन असा एकूण मुद्देमाल जप्त केल्याने भुसावळ शहरात मोठी खळबळ उडालेली आहे.
याबाबत सविस्तर वृत्त असे की आठ दिवसांपूर्वी तक्रारदाराने या शाळेच्या आवारात अन्न व औषधी उत्पादनाचा परवाना नसतांना कोरोना काढ्याची औषधी निर्मिती केली जात असल्याची तक्रार केली होती. त्या अनुषंगाने आज जळगाव येथील पथकाने शाळेत सकाळी 11 वाजेच्या सुमारास धाड टाकून चौकशी करून मुद्देमाल व मशिनरी जमा केलेली आहे. ही कारवाई अन्न व औषध सौंदर्यप्रसाधने कायदा कलम 18 अंतर्गत करण्यात आलेली आहे.
या शाळेचे मालक आसिफ इसाक तेली यांना नोटीस बजावण्यात आलेली असून सात दिवसाचे आत आवश्यक त्या कागदपत्रांसह खुलासा करण्याचे आदेश देण्यात आलेले आहेत,असा यावेळी पंचनामा करण्यात आलेला आहे. ही कारवाई ए.एम. माणिकराव सहआयुक्त ,श्याम साळे प्रभारी सहाय्यक आयुक्त जळगाव तसेच भुसावळ बाजारपेठचे पोना.बापूराव रामभाऊ बडगुजर यांच्या पथकाने केली आहे.
याबाबत एमआयडीसी पोलीस स्टेशनचे हवालदार जितेंद्र राठोड व शिरसोली येथील आरोग्य सेवक निलेश पाटील यांनी सदर कोरोनाबाधित महिलेचा तपास केला असता, हि महिला शिरसोली येथील रहिवासी नसल्याचे निदर्शनात येत आहे. यामुळे नेमकी हि महिला कुठली आहे याबाबात पुढील तपास एमआयडीसी पोलीस करीत आहे.
