पारोळा (प्रतिनिधी) – पारोळा तालुक्यातील कर्तव्यदक्ष आणि कोरोना काळात आपले कर्तव्य अतिशय जबाबदारीने पार पाडणाऱ्या निशिकांत माने(पाटील) कार्याची दखल जिल्हाधिकारी कार्यालयाने घेत २०१९-२०२० या वर्षीचा “आदर्श तलाठी” पुरस्कार आप्पा साहेबांना प्रदान करण्यात आला . जिल्हाधिकारी कार्यालय, जळगाव येथे जिल्हाधिकारी मा .राऊत साहेबांच्या हस्ते श्री निशिकांत माने(पाटील) यांना पुरस्कार देवून गौरव करण्यात करण्यात आला.
निशिकांत माने हे पारोळा सजा चे काम काज पाहत असून त्यांची कर्तव्यदक्ष अधिकारी म्हणून ओळख आहे . प्रशासनाच्या महसुलात वाढ होण्यासाठी त्यांनी नेहमीच प्रयत्न केले असून त्यांच्या कार्यकाळात सर्व पारोळा वासियांना लागणारे कागदपञे शैक्षणिक दाखले तसेच शेतकरी बांधवांच्या सर्व योजना संपुर्ण तालुक्यात सर्व प्रथम उपलब्ध करून दिल्या आहेत,शेतकरी बांधवांचे दुष्काळी अनुदान तालुक्यात सर्वात अगोदर वाटप केले. त्यांच्या या कामाची शासनाने दखल घेतली असून त्यांचा “उत्कृष्ट तलाठी” पुरस्काराने सन्मान करण्यात आला.
त्यांच्या सन्मान बद्द्ल महसूल प्रशासन व उप विभागीय अधिकारी, तहसीलदार सो व तलाठी व सर्कल, पारोळा यांच्या कडून स्वागत व अभिनंदन होत आहे.
सलग तीन वेळा आदर्श तलाठी पुरस्कार मिळवत निशिकांत माने यांनी जिल्ह्यात तालुक्याची प्रतिष्ठा वाढवली आहे, त्यांच्या वर तालुक्यातील समाज बांधव, सामाजिक संघटना , लोकप्रतिनिधी तसेच तालुक्याच्या जनते कडून अभिनंदनचा वर्षाव होत आहे.
