सासरची मंडळी दीड वर्षाच्या मुलीस ताब्यात देत नसल्याने मातेने उचलले पाऊल
जळगाव;– गेल्या तीन महिन्यांपासून कौटुंबिक वादातून दीड वर्षाच्या मुलीला सासरची मंडळी ताब्यात देत नसून कोर्टाद्वारे तीन नोटिसा बजावून देखील सासरची मंडळी येत नसल्याने आणि पोलिसही त्यांच्यावर कारवाई करीत नसल्याने अखेर बाळाला ताब्यात देण्यात यावे या मागणीसाठी विवाहित महिलेले पोलीस अधीक्षक कार्यालयाजवळ असणाऱ्या एका झाडावर चढून सिने स्टाईल आंदोलन केल्याने यावेळी मोठी गर्दी झाली होती . अश्विनी पंकज पाटील वय २४ असे विवाहितेची नाव असून विरवाडे ता. चोपडा येथील तिचे सासर असून गाडॊदा येथील माहेर असल्याची बाब समोर आली आहे. याप्रकरणी विवाहितेच्या आईनी माध्यमांशी बोलताना सांगितले कि विरवाडे ता. चोपडा येथील सासर असलेल्या मुलीला सासरच्या मंडळींनी दीड वर्षाच्या बाळाला हिसकावून बाळाच्या आईला हाकलून दिलेले होते . तसेच याबाबत तीन महिन्यापूर्वी गुन्हा दाखल झाला असून कोर्टातून तीन वेळा नोटीस बजावल्यावरही सासरची मंडळी हजर होत नसून लहान मुलीलाही आईच्या ताब्यात देत नसल्याने याप्रकरणात न्याय मिळत नसल्याने शेवटी माझ्या मुलीने झाडावर चढून आंदोलन केल्याची प्रतिक्रिया या महिलेलने माध्यम प्रतिनिधींशी बोलताना दिली .
