मुंबई (वृत्तसंस्था) – राज्यात सध्या अनेक बाबी घडत आहेत. पुन्हा एकदा राज्यात बदलीचे सत्र पाहायला मिळाले. राज्याचे पर्यटन आणि पर्यावरण मंत्री आदित्य ठाकरे यांच्या मंत्रालयात मुख्यमंत्री उद्धव ठाकरे यांनी मोठे बदल केले आहेत.
मनिषा पाटणकर- म्हैसकर यांची राज्य शिष्टाचार मंत्रालयाच्या प्रिन्सिपल सेक्रेटरी आणि प्रमुख राज्य शिष्टाचार अधिकारी पदावरून पर्यटन मंत्रालयाच्या प्रिन्सिपल सेक्रेटरी पदावर बदली करण्यात आली आहे.
तसेच, पर्यटन मंत्रालयाच्या महाराष्ट्र राज्य पर्यटन विकास महामंडळाच्या व्यवस्थापकीय संचालक पदावर मुंबई महापालिकेचे सहआयुक्त आशुतोष सलील यांची बदली करण्यात आली आहे. आशुतोष सलिल हे २०१० च्या बॅचचे आयएएस अधिकारी आहेत.
