जळगाव (प्रतिनिधी) – आज एका न्यूज चैनल ला मुलाखत देत असताना भाजप पक्षाचे विधान परिषदेचे आमदार गोपीचंद पडळकर यांनी महाराष्ट्राच्या राजकारणातील ज्येष्ठ व्यक्तिमत्त्व तसेच राष्ट्रवादी काँग्रेस पक्षाचे अध्यक्ष खासदार शरद चंद्रजी पवार साहेब यांच्यावरती अत्यंत खालच्या पातळीवरील टीका केली. सर्वप्रथम आमदार गोपीचंद पडळकर यांचा जळगाव जिल्हा काँग्रेस कमिटीच्या वतीने एन एस यू आय जिल्हा अध्यक्ष देवेंद्र मराठे यांनी एका पत्रकाद्वारे जाहीर निषेध व्यक्त केला.
शरद पवार साहेब हे राजकारणापलीकडील व्यक्तिमत्व
शरद चंद्रजी पवार हे महाराष्ट्राच्याच नव्हे तर भारताच्या राजकारणामधील व राजकारणाच्या पलिकडील एक ज्येष्ठ व कर्तृत्वान व्यक्तिमत्त्व आहे. भारतातच नव्हे तर संपूर्ण जगभरात सन्माननीय पवार साहेबांची ओळख आहे.
वयाच्या ऐंशीव्या वर्षी सुद्धा एखाद्या युवकाला लाजवेल अशा पद्धतीचं काम महाराष्ट्राच्या राजकारणामध्ये पवार साहेबांच्या माध्यमातून होत आहे.
कधी भूतो ना भविष्य घडेल असा ऐतिहासिक इतिहास महाविकास आघाडी सरकार स्थापन करून महाराष्ट्राच्या राजकारणामध्ये सन्माननीय शरदचंद्रजी पवार साहेबांनी केलेला आहे.
महाराष्ट्राला नेहमीच अभिमान वाटेल असे व्यक्तिमत्त्व आदरणीय शरदचंद्रजी पवार साहेब आहेत.
थुंकून चाटणे हे पडळकरांचा गुणधर्म
लोकसभेच्या निवडणुकीच्या वेळेस सन्माननीय पंतप्रधान नरेंद्र जी मोदी यांना शिव्या घालणाऱ्या गोपीचंद पडळकर यांना थेट भाजप पक्षाने विधान परिषदेचे सदस्यत्व देत आमदार केले व पडळकर यांनी सुद्धा थुंकून
चाटणे हा गुणधर्म पाळतात ज्यांच्यावरती टिका केली त्यांच्या पंक्तीत जाऊन बसण्याच काम केलं.
परंतु आता केवळ विरोधी पक्षनेते देवेंद्रजी फडणवीस यांना चांगले वाटेल या हेतू पोटी व प्रसिद्धीच्या लालसेपोटी एका महान व्यक्ती वरती टीका करून स्वतःला प्रसिद्धी मिळवण्याचा खालच्या पातळीचा प्रयत्न गोपीचंद पडळकर यांनी केला जळगाव जिल्हा काँग्रेस कमिटीच्या वतीने शरद चंद्रजी पवार साहेबांवर टिका करणाऱ्या आमदार गोपीचंद पडळकर यांचा जाहीर निषेध.
