जळगाव ( प्रतिनिधी ) – डॉ. उल्हास पाटील कॉलेज ऑफ फिजिओथेरपी, जळगाव येथील मस्क्युलोस्केलेटल फिजिओथेरपी विभागातर्फे जागतिक संधिवात दिन २०२६ निमित्त १२ ऑक्टोबर २०२६ रोजी डॉ. उल्हास पाटील रुग्णालयातील फिजिओथेरपी ओपीडीमध्ये विशेष व्यायाम सत्राचे यशस्वी आयोजन करण्यात आले.या सत्राचे संचालन डॉ. सोनिया बेनाङे, डॉ. तेजल सोनवणे आणि डॉ. सेजल कुकरेजा यांनी केले.
या उपक्रमात एकूण १० प्रौढ व्यक्तींनी सहभाग नोंदविला. सहभागी व्यक्तींना फिजिओथेरपिस्टच्या मार्गदर्शनाखाली विविध व्यायाम प्रकार करून घेण्यात आले.संधिवाताच्या व्यवस्थापनामध्ये नियमित शारीरिक हालचाली आणि उपचारात्मक व्यायामांचे महत्त्व अधोरेखित करणे हा या सत्राचा मुख्य उद्देश होता.
सांध्यांमधील वेदना व आखडलेपणा कमी करणे, हालचालींची क्षमता टिकवून ठेवणे आणि दैनंदिन कार्यांमध्ये स्वावलंबन वाढविणे याबाबत सहभागी व्यक्तींना मार्गदर्शन करण्यात आले.यावेळी निरोगी जीवनशैली, नियमित व्यायाम, पडणे टाळण्यासाठी घ्यावयाची काळजी आणि वेळोवेळी आरोग्य तपासणी करण्याचे महत्त्व समजावून सांगण्यात आले.
तसेच सुरक्षित व्यायाम पद्धती आणि जीवनमान सुधारण्यासाठी आवश्यक फिजिओथेरपीविषयक सूचना देण्यात आल्या.या उपक्रमातून सांध्यांचे आरोग्य जपणे, शारीरिक कार्यक्षमता टिकवून ठेवणे आणि व्यक्तींना सक्रिय व स्वावलंबी जीवन जगण्यासाठी प्रोत्साहित करणे यामध्ये फिजिओथेरपीची महत्त्वपूर्ण भूमिका अधोरेखित करण्यात आली.या कार्यक्रमाच्या यशस्वितेसाठी सहभागी व्यक्ती, प्राध्यापकवर्ग आणि सहकार्य करणार्‍या सर्वांचे विभागातर्फे आभार व्यक्त करण्यात आले.
