अपघातात कंटेनरचे नुकसान; ट्रेलर चालकाविरुद्ध नशिराबाद पोलिसांत गुन्हा दाखल
नशिराबाद (प्रतिनिधी) :- जळगाव बायपासवरील तरसोद उड्डाणपुलाच्या अलीकडे ट्रेलर चालकाने रस्त्याच्या परिस्थितीकडे दुर्लक्ष करून निष्काळजीपणे वाहन चालवत समोरून येणाऱ्या कंटेनरला जोरदार धडक दिल्याची घटना ६ सप्टेंबर रोजी दुपारी घडली. या अपघातात कंटेनर चालकाला दुखापत झाली असून कंटेनरचे नुकसान झाले आहे.
पोलिसांनी दिलेल्या माहितीनुसार, बिहारीलाल श्रीहिरालाल यादव (वय ४८, व्यवसाय चालक, रा. धारिकपुरा, ता. कोटपुतली, बहेरोड, राजस्थान) हे ट्रेलर क्रमांक NL-01-AK-1104 चालवत होते. ६ सप्टेंबर रोजी दुपारी २ वाजेच्या सुमारास जळगाव बायपासवरील तरसोद उड्डाणपुलाच्या अलीकडे ते ट्रेलर चालवत असताना त्यांनी रस्त्याच्या परिस्थितीकडे दुर्लक्ष करून वाहन निष्काळजीपणे चालविले.
यावेळी समोरून येणाऱ्या कंटेनर क्रमांक HR-47-F-2581 ला ट्रेलरची जोरदार धडक बसली. या अपघातात कंटेनर चालकाला दुखापत झाली असून कंटेनरचेही नुकसान झाले आहे.
घटनेची माहिती मिळाल्यानंतर नशिराबाद पोलिसांनी अपघाताची नोंद केली. याप्रकरणी गुन्हा रजिस्टर क्रमांक २३०/२०२६, भारतीय न्याय संहिता कलम २८१, १२५(अ), १२५(ब), ३२४(४) तसेच मोटार वाहन कायदा कलम १८४ अन्वये गुन्हा दाखल करण्यात आला आहे.
या प्रकरणाचा पुढील तपास शेपोउनि हरेश पाटील करीत आहेत. अद्याप आरोपीला अटक करण्यात आलेली नाही.
